اسرائیل کو دی جانے والی امداد میں کٹوتی!

سچ خبریں: وائٹ ہاؤس کے ایک سابق عہدیدار نے ایک غیرمتوقع بیان میں ایران کے ساتھ معاہدے کو برقرار رکھنے کی شرط واشنگٹن اور تل ابیب کے درمیان مکمل فوجی اور انٹیلیجنس تعاون کی بندش کو قرار دیا ہے۔

تاہم یہ دعویٰ دونوں فریقوں کے اسٹریٹجک تعلقات کے پیش نظر زمینی حقائق سے دور قرار دیا جا رہا ہے۔

وائٹ ہاؤس میں دہشت گردی کے خلاف کارروائیوں کے سابق ڈائریکٹر جو کینٹ نے کہا ہے کہ امریکہ کو ایران کے ساتھ معاہدے کو برقرار رکھنے کے امکانات بڑھانے کے لیے اسرائیل کو دی جانے والی تمام فوجی اور انٹیلیجنس امداد فوری طور پر بند کر دینی چاہیے۔

انہوں نے سوشل میڈیا پلیٹ فارفم ایکس پر لکھا کہ اسرائیل نے اس معاہدے کو ناکام بنانے کے لیے ہر موقع کا فائدہ اٹھایا ہے اور مستقبل میں بھی اسی طرز عمل کو جاری رکھ سکتا ہے، جب تک کہ واشنگٹن روک تھام کے لیے موثر اقدامات نہ کرے۔

سیاسی تجزیہ کاروں کے مطابق جہاں واشنگٹن اور تل ابیب کے فوجی اور انٹیلیجنس تعلقات پہلے سے کہیں زیادہ مضبوط ہیں، وہاں سفید خانے کے سابق عہدیدار کی جانب سے امداد بند کرنے کی تجویز ایک حقیقت پسندانہ تجزیے سے زیادہ سیاسی مذاق سے مشابہت رکھتی ہے۔

دوسری طرف صیہونی نیٹ ورک آئی نیوز 24نے رپورٹ کیا ہے کہ نیتن یاہو کی کابینہ کے وزراء کا ماننا ہے کہ ڈونلڈ ٹرمپ ایران اور لبنان کے محاذ کو الگ کرنے کی کوشش میں ناکام رہے ہیں۔

اسرائیلی عہدیداروں نے زور دیا ہے کہ ایران اور لبنان کے محاذوں کے درمیان براہِ راست تعلق موجود ہے اور اس ربط کو تسلیم کیا جانا چاہیے۔