اسرائیلی کمپنی کا غیر قانونی بستیوں کے خلاف اقدام؛صیہونی حکومت کا رد عمل

?️ 26 جولائی 2021

سچ خبریں:اسرائیل کی غیرقانونی آباد کاریوں کے خلاف بن اینڈ جیری کمپنی کا موقف اگرچہ ایک چھوٹا سا قدم ہے تاہم رویوں کو تبدیل کرنے کے لیےاچھا ہے۔
گذشتہ ہفتے بن اور جیری اسرائیلی کمپنی نے اعلان کیا تھا کہ وہ اب مقبوضہ فلسطینی علاقوں میں واقع اسرائیلی بستیوں میں اپنی مصنوعات فروخت کرنے کی اجازت نہیں دے گی، کمپنی نے ایک بیان میں کہاکہ ہمارا خیال ہے کہ مقبوضہ فلسطینی علاقوں میں بن اور جیری آئس کریم کی فروخت ہماری اقدار کے منافی ہے۔

یادرہے کہ بن اینڈ جیری ترقی پسند اقدار کے میدان میں کوئی نئی کمپنی نہیں ہے، یہ ایک ایسی کمپنی ہے جو اپنی پالیسیوں کے بارے میں ہمیشہ ایماندار رہی ہے اور اس میں سیاسی مقاصد کی حمایت کرنے کی ایک طویل تاریخ ہے جس میں فوجداری انصاف میں اصلاحات ، ووٹروں کی رجسٹریشن ، مالی اصلاحات ، اور آب و ہوا کے بارے میں انصاف شامل ہیں، یقینی طور پر فلسطین پر اسرائیلی قبضے کے خلاف کمپنی کے مؤقف کو سخت ردعمل کا سامنا کرنا پڑے گا،۔

واضح رہے کہ اسرائیلی صدر نے اس اقدام کو دہشت گردی کی ایک نئی شکل قرار دیا جس سے کمپنی کے لیے سنگین نتائج برآمد ہوں گے،وہ نتائج کے بارے میں ٹھیک ہی کہہ رہے تھےکیونکہ ایسا کرنے سے بن اور جیری نے نہ صرف خود کو دہشت گردی کے الزامات کے سامنے لاکھڑا کیا ہے بلکہ ریاستہائے متحدہ میں اپنے لیےقانونی مشکلات بھی پیدا کردی ہیں،امریکی 30 ریاستوں میں ایسے قوانین موجود ہیں جن کے تحت پنشن فنڈز کو ایسی کمپنیوں میں سرمایہ کاری کرنے سے منع کیا گیا ہے جو اسرائیل کے ساتھ کاروبار نہیں کریں گی۔

ٹیکساس پبلک اکاؤنٹس کنٹرولر جو ٹیکساس پبلک پینشن فنڈز کے اربوں ڈالر کے اثاثوں کی نگرانی کرتا ہے ، نے کہا ہے کہ اگر اسے پتہ چلا کہ بن اور جری قانون توڑ رہی ہے تو اس کمپنی کو بلیک لسٹ میں ڈال دیے گا جبکہ اسرائیلی وزیر خارجہ یائر لاپڈ نے بھی کمپنی کے خلاف قانونی کارروائی کرنے کا وعدہ کیا ہے۔

واضح رہے کہ دوسری کمپنیوں کے دعوؤں کے برخلاف ، بن اور جری قبضے اور آبادکاری کی مذمت کرتے ہوئے فلسطینیوں کی حمایت کرتی ہے اور اپنی غیر قانونی نوعیت پر زور دیتی ہے ، اس کا کہنا ہے کہ وہ حقیقت کو اجاگرکرتی رہے گی چاہے عالمی برادری اسے ترک کردے اور عام طور پر بستیوں کی تعمیر ہوتی رہےتاہم یہ اقدام غیر قانونی ہے۔