اسرائیلی فوج ٹینکوں اور زخمی فوجیوں کی مرمت میں مصروف 

سچ خبریں: عبرانی زبان کے نیٹ ورک "کان” نے رپورٹ دیا ہے کہ صہیونی ریاست کی فوج غزہ پٹی میں ٹینکوں کی مرمت اور زخمی فوجیوں کو مقبوضہ علاقوں میں منتقل کرنے میں مصروف ہے۔

رپورٹ میں بتایا گیا ہے کہ جب کہ صہیونی ریاست کی فوج ایسے مسائل میں الجھی ہوئی ہے، صہیونی سیاستدان غزہ میں جاری فرسودہ جنگ کے تئیں فریب کاری اور لاپروائی کا مظاہرہ کر رہے ہیں۔

واضح رہے کہ صہیونی ریاست کے وزیراعظم بنجمن نیتن یاہو غزہ پٹی کے خلاف حملوں کو وسعت دیتے ہوئے اس پٹی کو مکمل طور پر قبضے میں لینے کی منصوبہ بندی کر رہے ہیں، ایک ایسا اقدام جس کے ممکنہ نتائج کے بارے میں تل ابیب کی فوج نے پہلے ہی خبردار کر دیا ہے۔