اردن کا اسرائیل کو انتباہ

?️ 15 اپریل 2021

سچ خبریں:اردن کی وزارت خارجہ کے ترجمان نے صہیونی حکومت سے مقبوضہ بیت المقدس میں معاندانہ اور اشتعال انگیز کاروائیوں کے سلسلے کو ختم کرنے کا مطالبہ کیا۔
النشرہ نیوز ایجنسی کی رپورٹ کے مطابق ، اردن کی وزارت خارجہ کے ترجمان ضیف اللہ الفائز نے مقبوضہ بیت المقدس میں صیہونی حکومت کے حالیہ مخالف اقدامات کے بارے میں بات کی، رپورٹ کے مطابق انہوں نے اس سلسلے میں کہاکہ مسجد اقصی اور مقبوضہ بیت المقدس کے خلاف اسرائیل کی اشتعال انگیز کاروائیوں کی خاص طور پر رمضان کے مقدس مہینے کے دوران ، مذمت کی جاتی ہے۔

اردن کی وزارت خارجہ کے ترجمان نے کہا ہے کہ مقبوضہ بیت المقدس میں صیہونی حکومت کی سکیورٹی فورسز کے اقدامات اشتعال انگیز اور مسترد کیے جاتے ہیں اس لیے اس سے مسلمانوں کے جذبات اور جذبات مجروح ہوہوتے ہیں اور مسجد اقصی کی بے حرمتی ہوتی ہے

الفائز نے مزید کہا کہ مسجد اقصی مکمل طور پر مسلمانوں کی ملکیت ہے اور بین الاقوامی قانون کے مطابق اس کے امور کی نگرانی کرنے والی واحد جماعت قدس ادارۂ اوقاف ہے، انہوں نے قابض حکومت صہیونی حکومت سے بین الاقوامی قوانین اور قراردادوں پر عمل پیرا ہونے اور القدس اور مسجد اقصیٰ کے خلاف جارحیت روکنے کا مطالبہ کیا۔

یادرہے کہ صیہونی آئے دن مسجد اقصی کی بے حرمتی کرتے رہتے ہیں اور اس مقدس مقام پر یلغار کرتے ہوئے اسلام مخالف نعرے بازی کرتے ہیں نیز اگر کوئی فلسطینی ان کے اس اقدام کی مخالفت کرتا ہے تو اس کو زد وکوب کرتے ہیں اس لیے کہ ان صیہونیوں کو غاصب حکومت کی مکمل پشت پناہی حاصل ہوتی ہے جبکہ اقوام متحدہ سمیت پوری عالمی برادری اس سب مظالم کو دیکھ رہی ہے اور مجرمانہ طور پر خاموش تماشائی بنی ہوئی ہے جس سے صیہونیوں کو مزید جرئت ملتی ہے اور ان کی گستاخیوں میں اضافہ ہوتا ہے کیونکہ وہ جانتے ہیں کہ نہ فلسطینیوں کے حق میں کوئی بولنے والا ہے اور نہ ہی ہمیں کوئی پوچھنے والاہے۔