ابھی تو شروعات ہے؛جہاد اسلامی کا صیہونیوں کو انتباہ

?️ 22 جون 2023

سچ خبریں:فلسطین کی جہاد اسلامی تحریک نے ایک بیان جاری کرکے صیہونی حکومت کے ڈرون حملے میں تین فلسطینی مزاحمت کاروں کی شہادت پر ردعمل کا اظہار کیا۔

مرکزاطلاعات فلسطین کی رپورٹ کے مطابق فلسطین کی جہاد اسلامی تحریک نے ایک بیان جاری کرکے اعلان کیا ہے کہ اگر صہیونی دشمن یہ سمجھتا ہے کہ وہ فلسطینی مجاہدین کو قتل کرکے اس انتفاضہ کو روک سکتا ہے تو وہ غلطی پر ہے، اسے معلوم ہونا چاہیے کہ یہ پورے میدان جنگ میں پھیل چکا ہے۔

مزید:فلسطینی مزاحمتی تحریک کا صیہونیوں کو شدید انتباہ

بیان میں تاکید کی گئی ہے کہ صہیونی دشمن کا فلسطینی مجاہدین کو قتل کرنے کے لیے ڈرون کا استعمال کرنا جارحین کی شکست اور فلسطینیوں کی بڑھتی ہوئی مزاحمت کا مقابلہ کرنے میں ان کی نااہلی کو ثابت کرتا ہے۔

بیان کے مطابق صیہونی حکومت اس طرح کے جرائم کا ارتکاب کرکے اپنی مسخ شدہ تصویر کو بحال کرنے کی کوشش کر رہی ہے جسے مزاحمتی قوتوں کے پاؤں تلے روندا گیا ہے۔

یاد رہے کہ یہ صیہونی یہ ایسے وقت میں کر رہے ہیں جب مزاحمتی قوتوں نے جنین کیمپ پر صیہونی حملے کے دوران اور نابلس میں عیلی بستی کے آپریشن میں صیہونیوں کو عبرت ناک سبق سکھایا ہے۔

یہ بھی پڑھیں:فلسطین میں غاصبوں کے خلاف کارروائیوں میں اضافہ کیا جائے: تحریک مجاہدین

یاد رہے کہ گزشتہ شب ایک بیان میں جنین کی قدس بریگیڈز نے جنین کے قریب ایک علاقے پر اسرائیلی ڈرون حملے کے نتیجے میں 3 مجاہدین کی شہادت پر تعزیت کا اظہار کیا۔

واضح رہے کہ جنین شہر کے شمال میں واقع الجلمہ چوکی کے قریب ایک کار پر صہیونی ڈرون حملے کے دوران فلسطینی مزاحمتی فورسز کے تین اہلکار شہید ہو گئے۔