آدھے سے زیادہ امریکی بائیڈن کی کارکردگی سے غیر مطمئن

?️ 7 اپریل 2022

سچ خبریںامریکہ میں ہونے والے ایک تازہ ترین سروے کے مطابق اس ملک کے شہریوں میں امریکی صدر کی عوامی مقبولیت 45 فیصد تک پہنچ گئی ہے۔
روئٹرز نیوز ایجنسی کے ایک نئے سروے میں پتا چلا ہے کہ 50 فیصد سے زیادہ امریکی بائیڈن کی کارکردگی کو ناپسند کرتے ہیں کیونکہ یہ ملک اعلی افراط زر کے ساتھ جدوجہد کر رہا ہے نیز یوکرین پر روس کے حملے نے بائیڈن کی کارکردگی کے بارے میں سیاسی خدشات کو بھی جنم دیا ہے، یاد رہے کہ بائیڈن کی مقبولیت اگست کے بعد سے 50 فیصد سے نیچے ہے، جو گزشتہ ماہ اپنی کم ترین سطح پر آ گئی ہے۔

واضح رہے کہ امریکہ اس وقت بلند افراط زر اور کورونا وبا کے سنگین معاشی نتائج سے دوچار ہے، اس کے ساتھ ساتھ یوکرین میں تنازع میں شدت نیز تیل اور گیس کی سپلائی میں خلل نے عالمی منڈی میں خام تیل کی قیمتوں میں ڈرامائی طور پر اضافہ کر دیا ہے جس کے نتیجے میں امریکہ میں ایندھن کی بڑھتی ہوئی قیمتیں بائیڈن انتظامیہ کی ناکامی بن گئی ہیں جس اس وقت ان کے لیے سب سے بڑا چیلنج جس نے بائیڈن کی مقبولیت کو وائٹ ہاؤس میں داخل ہونے کے بعد سے اپنی کم ترین سطح تک پہنچا دیا ہے۔

یاد رہے کہ اس سے قبل بائیڈن انتظامیہ کی افغانستان چھوڑنے سے متعلق خارجہ پالیسی اور اس ملک کے صحت کے نظام کی کورونا پر قابو پانے میں ناکامی نے 79 سالہ صدر اور ان کی انتظامیہ کے لیے ناراضگی کی لہر دوڑا دی تھی۔