ایرانی ڈرونز اور ہائبرڈ وارفیئر؛ اسرائیل کے خلاف ایران کی مہلک عسکری صلاحیتیں

سچ خبریں:ایران کی ڈرون اور میزائل ٹیکنالوجی کی ترقی، جنگِ نامتقارن میں ان کے کردار، اور اسرائیل کے خلاف حالیہ جوابی حملے میں ان کے مؤثر استعمال کا جائزہ لیا گیا ہے۔

الجزیرہ نیوز چینل کی رپورٹ کے مطابق، ایران نے 14 اپریل 2024 کو ایک بے مثال کارروائی میں اسرائیلی اہداف پر درجنوں ڈرونز اور میزائل فائر کیے، جس سے تل ابیب سمیت مقبوضہ فلسطین میں سائرن بج اٹھے، یہ حملہ ایران کے دمشق میں قونصل خانے پر اسرائیلی جارحیت کا براہ راست جواب تھا، اسلامی جمہوریہ ایران نے اس حملے کے ذریعے صرف انتقام ہی نہیں لیا، بلکہ اسرائیل کے ساتھ کھیل کے قواعد بھی تبدیل کیے۔

یہ بھی پڑھیں:ایرانی ڈرونز کے موضوع پر صیہونی حکومت کا خصوصی پروگرام

یہ پہلا موقع تھا جب ایران نے اسرائیل پر براہِ راست حملہ کیا۔ اگرچہ حملے کی نوعیت محدود تھی، لیکن پیغام واضح تھا کہ ایران جنگ نہیں چاہتا لیکن اب اسرائیل کی ہر جارحیت کا جواب دے گا۔ اس اقدام نے اسرائیل کی جوابی کارروائی کی گنجائش بھی محدود کر دی۔

ایران کے معروف ڈرونز میں فطرس، مهاجر 10، شاہد 136، اور ابابیل 5 شامل ہیں، ان ڈرونز کی خصوصیات میں طویل رینج، کم لاگت، اور حملہ آور قابلیت شامل ہے۔ خاص طور پر شاہد 136، جو کہ ایک خودکش ڈرون ہے، دشمن کے دفاعی نظام کو ناکام بنانے میں مؤثر ثابت ہوتا ہے۔

ایران کے ڈرونز گروپ کی صورت میں ایک ساتھ لانچ کیے جاتے ہیں تاکہ دشمن کے انٹرسیپٹر سسٹمز کو مغلوب کیا جا سکے چونکہ ان ڈرونز کی قیمت کم ہے اور دشمن کو ان کا روکنے کے لیے مہنگے میزائل استعمال کرنے پڑتے ہیں، یہ ایران کی اسٹریٹجک برتری کا مظہر ہیں۔

ایران کی اسٹرٹیجی دفاع آگے کی طرف(Forward Defense) ہے، جس کا مطلب یہ ہے کہ دشمن کو اپنے ملک کی سرحدوں سے دور مصروف رکھا جائے، ایران نے اپنے اتحادیوں — لبنان، شام، یمن — کو بھی ڈرون اور میزائل ٹیکنالوجی منتقل کی ہے تاکہ خطے میں اپنی طاقت اور اثرورسوخ کو مستحکم کر سکے۔

الجزیرہ کی رپورٹ کے مطابق، ایرانی ڈرونز نہ صرف نگرانی بلکہ ہدف کو تباہ کرنے میں بھی کامیاب ہیں، اور یہ جنگی مشن کو مؤثر، کم لاگت اور کم خطرے میں بدل دیتے ہیں۔ ہائبرڈ حملے — جن میں ڈرونز، کروز میزائل اور بیلسٹک میزائل ایک ساتھ استعمال ہوتے ہیں — ایران کی نئی جنگی حکمت عملی کی بنیاد بن چکے ہیں۔

ایران نے 1980 کی دہائی سے ڈرون ٹیکنالوجی میں سرمایہ کاری شروع کی، جب اس پر عالمی پابندیاں عائد تھیں۔ اب، ایران نہ صرف مقامی سطح پر یہ ٹیکنالوجی تیار کر رہا ہے بلکہ تاجکستان جیسے ممالک میں ڈرون فیکٹریاں بھی قائم کر رہا ہے، یہ ایران کی دیپلماسی تسلیحات (Arms Diplomacy) کی علامت ہے، جو سیاسی اثرورسوخ بڑھانے کے لیے استعمال ہو رہی ہے۔

ایران نے حالیہ حملے میں ڈرونز، کروز اور بیلسٹک میزائلز کا بیک وقت استعمال کر کے اسرائیل کے دفاعی نظام کو چکمہ دیا۔ اگرچہ کچھ ہتھیار استعمال نہیں کیے گئے، لیکن تجزیہ کاروں کے مطابق، ایران کے پاس اب بھی ایسے سسٹمز محفوظ ہیں جو مستقبل میں استعمال ہو سکتے ہیں۔

مزید پڑھیں:ایرانی ڈرونز امریکہ اور صیہونی حکومت کے لیے ڈراؤنا خواب

2023 کے آخر میں، ایران اور روس کے درمیان جنگی طیاروں اور ہیلی کاپٹروں کے سودے پر اتفاق ہوا۔ مستقبل میں ایران اپنے سوخو-35 لڑاکا طیاروں کے ساتھ اپنے ڈرونز کو ہم آہنگ کر کے خطے میں ایک نیا عسکری توازن قائم کر سکتا ہے۔