سچ خبریں: مشہور ٹک ٹاک اور یوٹیوب شخصیت کشف انصاری نے اپنے فٹنس ٹرینر سے نکاح کر کے اپنے مداحوں کو حیران کر دیا۔
پاکستان بھر میں عید الاضحیٰ کے بعد شادیوں کا سیزن عروج پر ہوتا ہے، ایسے میں ٹک ٹاکرز کی جانب سے بھی منگنی اور نکاح کی خبریں سامنے آ رہی ہیں۔
یہ بھی پڑھیں: ٹک ٹاکر کی جان کو خطرہ، گھر کے باہر پولیس تعینات کر دی گئی
معروف ٹک ٹاکر اور کانٹینٹ کریئیٹر ربیکا خان کی شاندار منگنی کے بعد، اب ٹک ٹاک کی دنیا سے ایک اور خوشخبری آئی ہے۔
کشف انصاری نے گزشتہ روز اپنے نکاح کی اچانک خبر شیئر کر کے اپنے مداحوں کو حیران کر دیا۔
انہوں نے اپنے نکاح کی سادہ تقریب کی ویڈیو شیئر کی ہے، جس میں صارفین کی جانب سے ان کو خوب محبت اور پیار مل رہا ہے۔
کشف انصاری نے نکاح کے موقع پر سادہ سفید لباس پہنا اور اس کے اوپر سرخ رنگ کی اوڑھنی اوڑھی۔
انٹرنیٹ صارفین کشف انصاری کو مبارکباد دے رہے ہیں اور سادگی سے نکاح کرنے پر تعریف کر رہے ہیں۔
مزید پڑھیں: اسلام کی خاطر اب بیوی کے بغیر ولاگ بناؤں گا، ٹک ٹاکر اسد
یاد رہے کہ کچھ دن پہلے کشف انصاری نے اپنی دوست، ربیکا خان کی ڈھولکی کی تقریب میں بھی شرکت کی تھی۔