?️
کراچی: (سچ خبریں) پاکستان کی تین مختصر فلمیں اس سال کے 16ویں شکاگو ساؤتھ ایشین فلم فیسٹیول میں مقابلے کے لیے منتخب ہو گئی ہیں۔
پاکستانی فلم ساز 16ویں شکاگو ساؤتھ ایشین فلم فیسٹیول (سی ایس اے ایف ایف) میں دھوم مچانے کے لیے تیار ہیں، جہاں اس سال مقابلے کے لیے تین مختصر فلمیں منتخب کی گئی ہیں۔
فیسٹیول 14 سے 21 ستمبر کے درمیان منعقد ہوگا اور پاکستانی فلمیں 18 ستمبر کو شکاگو کے اے ایم سی ریور ایسٹ 21 تھیٹر میں دکھائی جائیں گی۔
یہ ایونٹ پہلی بار 2010 میں منعقد ہوا تھا اور تب سے اس نے ثقافتی اداروں، شہر کی حکومت، اور مقامی جنوبی ایشیائی کمیونٹی کی حمایت حاصل کر لی ہے۔
ایونٹ کے لیے پاکستان سے درج ذیل فلموں کا انتخاب کیا گیا ہے:
ڈونٹ بی لیٹ، مائرہ
فلم ’ڈونٹ بی لیٹ، مائرہ‘ ایک نوجوان لڑکی کی کہانی ہے جو اسکول سے گھر جانے والی وین چھوٹ جانے کے بعد لاہور اور زندگی کی جھلک پیش کرتی ہے، یہ 15 منٹ کی تھرلر فلم ایک حقیقی کہانی پر مبنی ہے اور دنیا بھر کے فلم فیسٹیولز میں کافی کامیاب رہی ہے، جن میں نیو جرسی کے برگن انٹرنیشنل فلم فیسٹیول، مونٹریال انٹرنیشنل فلم فیسٹیول، نیو یارک کے بگ ایپل فلم فیسٹیول، یو کے ایشین فلم فیسٹیول، ووڈ اسٹاک فلم فیسٹیول اور دیگر شامل ہیں، جہاں اس نے متعدد انعامات جیتے ہیں۔
فلم میں عنایہ عمر نے مرکزی کردار ادا کیا ہے، ندا احسن میرا کی ماں کے کردار میں جب کہ سمائرہ صغیر نے میرا کی ٹیچر کا کردار نبھایا ہے۔
فنکار (دی آرٹسٹ)
احسن منہاس کی فلم فنکار نے اپنے ہیرو سردار نبیل کو دہلی کے دادا صاحب پھالکے انٹرنیشنل فلم فیسٹیول (ڈی پی آئی ایف ایف) میں بہترین اداکار کا ایوارڈ دلایا۔
یہ فلم ایک نفسیاتی ڈراما ہے جو ایک ایسے آدمی کی کہانی بیان کرتی ہے جسے تین اعمال کرنے پر مجبور کیا جاتا ہے، ہر ایک عمل معاشرے کے کسی حصے کے دکھ کی عکاسی کرتا ہے، فنکار استحصال، طبقاتی فرق اور دکھ کی تجارتی شکل جیسے موضوعات کو سامنے لاتی ہے۔
ڈی پی آئی ایف ایف کے علاوہ یہ فلم ڈی سی ساوتھ ایشین فلم فیسٹیول اور کینیڈا کے انٹرنیشنل ساوتھ ایشین فلم فیسٹیول میں بھی منتخب ہوئی ہے۔
وقت کے ساتھ ساتھ (ٹائم آفٹر ٹائم)
تابش حبیب کی یہ فلم باپ بننے کے تجربے پر وقت کے مختلف لمحوں میں مبنی ذاتی تحقیق پیش کرتی ہے اور سی ایس اے ایف ایف میں اپنی پہلی پیشکش کر رہی ہے، ’وقت کے ساتھ ساتھ‘ ایک نوجوان باپ کی کہانی ہے جس کی بیٹی لاہور میں واقع گھر کے باغ میں کھیلتے ہوئے غائب ہو جاتی ہے، وہ اپنی بیٹی کو تلاش کرنے کے لیے وقت میں سفر کرتا ہے۔
حبیب کے مطابق یہ فلم اچھے والدین کے لیے خراج عقیدت ہے، جس میں ان کے اپنے والد بھی شامل ہیں، جنہیں انہوں نے یہ فلم وقف کی ہے۔
پاکستان کی 2022 کی آسکر انٹری ’جوئے لینڈ‘ کے مرکزی اداکار علی جونیجو اور رستی فاروق نے ’وقت کے ساتھ ساتھ‘ میں ماہا حسن اور حنا بیات کے ساتھ مرکزی کردار ادا کیا ہے۔
سی ایس اے ایف ایف میں پاکستان
پاکستان نے پچھلے سال بھی سی ایس اے ایف ایف میں نمایاں کارکردگی دکھائی تھی۔
’گنجال‘، ایک صحافی کی تحقیق پر مبنی کہانی جس میں بچوں کے محنت کش ایکٹوسٹ اقبال مسیح کے قتل کی کہانی دکھائی گئی، فیسٹیول کے بہترین فکشن فیچر آڈینس چوائس ایوارڈ میں دوسرے نمبر پر رہی اور ’سانگز آف دا صوفی‘ نے بہترین ڈاکیومنٹری آڈینس چوائس حاصل کی۔
اس فیسٹیول میں پاکستان نے پہلے ایڈیشن سے ہی شرکت شروع کی، جس میں تنقیدی تعریف حاصل کرنے والی فلم ’رام چند پاکستانی‘ شامل تھی، اس کے بعد کئی فلمیں، جیسے کمال خان کی کراچی بیسڈ ’لال کبوتر‘، مہرین جبار کی ’دوبارہ پھر سے‘ اور ارم پروین بلال کی ’وکھری‘، فیسٹیول کے ناظرین کے لیے دکھائی گئی ہیں۔
مشہور خبریں۔
داعشی عناصر ایک بار پھر الحشد الشعبی کے آہنی پنجوں میں
?️ 11 مارچ 2024سچ خبریں: عراق کے استحکام کے تحفظ کے لیے اپنی حفاظتی کارروائیوں
مارچ
کیا یورپ بحرانوں کی دلدل سے نکل پائے گا؟
?️ 16 جنوری 2023سچ خبریں:تقریباً ایک سال سے یوکرین کے بحران سے متاثر سبز براعظم
جنوری
ریڈمی کا رواں برس کا سستا ترین فون پیش
?️ 26 نومبر 2024سچ خبریں: اسمارٹ فون بنانے والی چینی کمپنی شیاؤمی نے اپنے برانڈ
نومبر
کیا گستاخی کے محض الزام پر کسی کو قتل کرنا صحیح ہے؟:ڈاکٹر مفتی نعمان نعیم
?️ 23 جون 2024سچ خبریں: رئیس جامعہ بنوریہ عالمیہ ڈاکٹر مفتی نعمان نعیم نے کہا
جون
شام کے بارے میں ترک وزیر خارجہ کے ایران پر عائد الزامات کہاں تک صحیح ہیں؟
?️ 15 دسمبر 2024سچ خبریں:شام کے بارے میں ایران کے ساتھ معاہدے پر مبنی ترکی
دسمبر
دہشت گرد عناصر کو ہر قیمت پر شکست دیں گے، صدر مملکت
?️ 20 مارچ 2025کوئٹہ: (سچ خبریں) صدر پاکستان آصف علی زرداری نے کہا ہے کہ
مارچ
صیہونی حکومت کے حکام کو سزا ملنی چاہیے
?️ 29 اپریل 2024سچ خبریں: عرب اور اسلامی ممالک کے سربراہوں کی وزارتی کمیٹی نے
اپریل
چیئرمین پی ٹی آئی کی سیاسی بنیادوں پر کی جانے والی’قانونی کارروائیوں’ کی مذمت
?️ 10 جولائی 2023اسلام آباد:(سچ خبریں) پی ٹی آئی چیئرمین عمران خان کیپیٹل پولیس آفیسر
جولائی