کراچی (سچ خبریں) پاکستان شوبز انڈسٹری کے معروف اداکار یاسر حسین نے پیپلز پارٹی کی رہنما شرمیلا فاروقی کو کرارا جواب دیا ہے۔انہوں نے یاسر حسین کی اہلیہ اقرا عزیز کی حالیہ ڈائپر بدلنے والی پوسٹ پر تبصرہ کیا تھا ، یاسر نے جواب میں لکھا کہ ’سیاست کرکے ملک کو برباد کرنے سے کوئی مسئلہ نہیں ہے۔
یاسر حسین نے اپنی انسٹاگرام اسٹوری پر شرمیلا فاروقی کی جانب سے اہلیہ اقرا عزیز کی حالیہ ڈائپر بدلنے والی پوسٹ پر کیے گئے تبصرے پر جواب دیتے ہوئے لکھا کہ ’بھائی پیار سے مسئلہ ہے، تعریف کرنے سے بھی مسئلہ ہے، فخر کرنے سے بھی مسئلہ ہے۔‘
اداکار نے مزید لکھا کہ ’سیاست کرکے ملک کو برباد کرنے سے کوئی مسئلہ نہیں ہے۔‘خیال رہے کہ پیپلز پارٹی کی رہنما شرمیلا فاروقی نے اداکارہ اقرا عزیز کی حالیہ ڈائپر بدلنے والی پوسٹ پر تبصرہ کیا تھا۔شرمیلا فاروقی نے اقرا عزیز کی پوسٹ میں بتائی گئی یاسر کی خصوصیات کو ہر اچھے باپ کی پہچان بتاتے ہوئے کہا کہ اس میں فخر کرنے والی کوئی بات نہیں۔
شرمیلا نے لکھا تھا کہ ’مجھے خوشی ہے کہ آپ کا شوہر کام کررہا ہے لیکن اس میں فخر کرنے کی یا کوئی خاص بات نہیں۔ ‘اپنے تبصرے میں شرمیلا فاروقی نے واضح کیا تھا کہ تمام اچھے باپ اپنے بچوں کے لیے ایسا کرتے ہیں۔
رہنما پی پی نے کہا تھا کہ میرے شوہر بیٹے کو نہلاتے، ڈائپر تبدیل کرتے اور فیڈر پلاتے ہیں، اگر میری طبیعت ٹھیک نہ ہو تو ہمارے بیٹے کو اس کے اسکول چھوڑنے جاتے ہیں اور انہیں ایسا کرنا بہت پسند ہے۔اقراء عزیز کی پوسٹ پر شرمیلا فاروقی کے تبصرے کے سوشل میڈیا پر چرچے ہیں، صارفین شرمیلا فاروقی کو اس بے باک تبصرے پر سراہ رہے ہیں۔
