کیا کترینہ کیف شادی کے بعد اپنا نام تبدیل کرنے والی ہیں؟

🗓️ 19 نومبر 2021

ممبئی (سچ خبریں) کیا معروف بالی ووڈ اداکارہ  کترینہ کیف اپنی شادی کے بعد اپنا نام تبدیل کرنے والی ہیں ؟ معروف بالی ووڈ اداکارہ کے بارے میں یہ خبریں گردش کررہی ہیں کہ وہ شادی کے بعد اپنا نام تبدیل کرسکتی ہیں۔ اس فیصلے کا انحصار کترینہ کیف پر ہے کہ وہ شادی کے بعد اپنا نام تبدیل کرتی ہیں یا نہیں۔

بھارتی میڈیا کی رپورٹ کے مطابق، کترینہ کیف شادی کے بعد اپنے نام کے ساتھ اپنے شوہر کا نام استعمال کرسکتی ہیں۔ذرائع کے مطابق ، کترینہ کی نئی آنے والی فلم ’ٹائیگر 3‘کے سیٹ پر ایک میٹنگ کے دوران انہیں مذاق میں ’KKK‘ یعنی کترینہ کیف کوشل کہہ کر متعارف کروایا گیا۔

تاہم، اس فیصلے کا انحصار کترینہ کیف پر ہے کہ وہ شادی کے بعد اپنا نام تبدیل کرتی ہیں یا نہیں، اگر وہ اپنا نام تبدیل کریں گی تو فلم  ’ٹائیگر 3‘ کا کریڈیٹ دیتے ہوئے اداکارہ کا نام تبدیل کردیا جائے گا۔

توقع کی جارہی ہے کہ کترینہ کیف اور وکی کوشل رواں سال دسمبر میں رشتۂ ازدواج میں منسلک ہوجائیں گے جبکہ اُن کی شادی راجستھان میں ہونے کا امکان ہے۔خیال رہے کہ اداکارہ کرینہ کپور خان اور ایشوریہ رائے بچن نے پیشہ ورانہ طورپربھی اپنے شوہروں کے آخری نام استعمال کرنے کا انتخاب کیاتھا۔