کس کے بغیر گلوکار فلک شبیر کا رہنا ناممکن ہے؟

🗓️ 2 جون 2021

کراچی (سچ خبریں) معروف گلوکار فلک شبیر کے ایک مداح کی جانب سے سوال پوچھا گیا کہ وہ کونسی ایک چیز ہے جس کے بغیر وہ نہیں رہ سکتے ہیں، مداحوں کی جانب سے امید کی جا رہی تھی کہ اس سوال کے جواب میں فلک شبیر اہلیہ سارہ خان کا نام لیں گے مگر فلک شبیر  نے اس سوال کا جواب دیتے ہوئے ہنستے ہوئے کہا کہ ’وہ  کھانے کے بغیر نہیں رہ سکتے ہیں۔

فلک شبیر پاکستان نوجوان نسل کے پسندیدہ گلوکاروں میں سے ایک ہیں، فلک شبیر بطور گلوکار تو مشہور ہیں ہی مگر جب سے اُنہوں نے اداکارہ سارہ خان کے ساتھ شادی کی ہے ان دنوں فنکاروں کی شہرت میں غیر معمولی اضافہ ہوا ہے۔

ان دونوں کو شائقین ایک ساتھ دیکھنا اور ان سے متعلق جانتے رہناپسند کرتے  ہیں اسی لیے دونوں کے سوشل میڈیا اکاؤنٹ پر اچھی خاصی فین فالوونگ بھی موجود ہے۔گزشتہ روز فلک شبیر کی جانب سے اپنی انسٹا گرام اسٹوری پر سوالوں جوابوں کا سلسلہ  شروع کیا گیا۔

اس دوران اُن کے ہزاروں مداحوں کی جانب سے اُن سے دلچسپ سوالات کیے گئے جن کا فلک شبیر کی جانب سے جواب دیا گیا ہے۔اس دوران اُن کے ایک مداح کی جانب سے پوچھا گیا کہ اُن کا اداکار و میزبان دانش تیمور اور اداکارہ عائزہ خان کی جوڑی سے متعلق کیا کہنا ہے۔

اس کا سوال کا جواب دیتے ہوئے فلک شبیر کا کہنا تھا کہ ’ماشاءاللّٰہ، عائزہ خان اور دانش تیمور کی جوڑی بہت پیاری اور سنجیدہ جوڑی ہے۔ایک سوال کے جواب میں فلک شبیر کا اپنے پسندیدہ گانے سے متعلق بتانا تھا کہ اُن کا پسندیدہ گانا بھارتی فلم  آئی، می اور میں کا ’ساجنا‘ گانا ہے جو کہ انہوں نے ہی گایا ہے۔