کراچی (سچ خبریں) معروف پاکستانی اداکار نعمان اعجاز نے سب کو عالمی یومِ ماحولیات کی تقریبات میں خوش آمدید کہتے ہوئے اس سال پاکستان کی عالمی سطح پر ’عالمی یومِ ماحولیات‘ کی میزبانی کے فرائض سرانجام دینے پر خوشی کا اظہار کیا ہے ۔ان کا کہناتھا کہ دوسروں پر تنقید کے بجائے خود کو بہتر بنائیں۔
اداکار نعمان اعجاز نے اپنی انسٹا اسٹوری پر اپنے ویڈیو پیغام میں کہا کہ سب کو عالمی یومِ ماحولیات کی تقریبات میں خوش آمدید، یہ بڑے فخر کی بات ہے کہ اس مرتبہ اس دن کی میزبانی پاکستان سر انجام دے رہا ہے۔اداکار نے ماحولیاتی تبدیلی سے متعلق کیے جانے والے اقدامات کو سراہتے ہوئے کہا کہ ’پاکستان میں ماحولیات اور ماحولیاتی تبدیلی کے حوالے سے متعدد اقدامات اٹھائے گئے۔‘
انہوں نے مزید کہا کہ ’کیا آپ نے کبھی سوچا کہ آپ کی چھوٹی چھوٹی عادات ماحول کی تبدیلی اور بہتری میں کتنا اہم کردار ادا کرسکتی ہیں ۔اداکار نے بتایا کہ انہیں باغبانی کا بہت شوق ہے اور میں صفائی کا بہت خیال رکھتا ہوں اور میں جہاں بھی جاتا ہوں اور کام کرتا ہوں میری کوشش ہوتی ہے کہ اس چیز کا پرچار کروں ۔نعمان اعجاز نے اپنے پیغام کا اختتام کرتے ہوئے لوگوں سے بھی اپیل کی کہ وہ بھی اس حوالے سے اپنے اقدامات کریں۔
نعمان اعجاز نے سوشل میڈیا پر حالیہ تنازعات کے تناظر میں لوگوں کو مشورہ دیا ہے کہ وہ دوسروں پر تنقید کرنے کے بجائے خود کو بہتر بنائیں۔انہوں نے انسٹاگرام پر اپنی ایک تصویر کے کیپشن میں سعادت حسن منٹو کا مشہور زمانہ قول لکھا۔
نعمان اعجاز نے لکھا کہ ’کون مسلم ، کون کافر، کون جنتّی، کون جہنمی، کیوں نہ یہ اختیار خدا کو ہی واپس کردیا جائے۔اپنے پیغام کے آخر میں انہوں نے یہ بھی لکھا کہ ’ دوسروں پر تنقید کرنے کے بجائے خود کو بہتر بنائیں۔