’نئی اداکاراؤں کو کمتر نہیں سمجھنا چاہیے‘، یمنیٰ زیدی کو ’اوور ریٹڈ‘ کہنے پر بشریٰ انصاری کا ردعمل

?️

کراچی: (سچ خبریں) سینئر اداکارہ نادیہ افگن کی جانب سے نوجوان اداکارہ یمنیٰ زیدی کو ’اوور ریٹڈ اداکارہ‘ کہنے پر بشریٰ انصاری کا کہنا ہے کہ سینئر ہونے کے ناطے ہمیں نئی اداکاراؤں کو کمتر نہیں سمجھنا چاہیے۔

حال ہی میں سوشل میڈیا پر یمنیٰ زیدی کے خلاف بعض مداحوں اور سینئر اداکاروں کی جانب سے منفی تبصرے کیے جارہے ہیں، اسی اثنا میں بشریٰ انصاری یمنیٰ زیدی کی حمایت میں سامنے آگئیں۔

یمنیٰ زیدی کی اداکاری پر سوال اٹھانے کا معاملہ اس وقت شروع ہوا جب جیو ٹی وی انٹرٹینمنٹ کے ڈراما سیریل ’تیرے بن‘ کے بعد یمنیٰ زیدی پر مداحوں اور سوشل میڈیا صارفین کی جانب سے تنقید کی گئی تھی۔

اسی دوران گزشتہ ہفتے نادیہ افگن نے اے پلس انٹرٹینمنٹ کے پروگرام چاکلیٹ ٹائمز میں شرکت کرتے ہوئے تبصرہ کیا تھا کہ ’یمنیٰ زیدی اوور ریٹڈ (جسے ضرورت سے زیادہ پذیرائی مل گئی ہو) اداکارہ ہیں۔‘

بشریٰ انصاری نے گزشتہ روز انسٹاگرام پر نادیہ افگن اور یمنیٰ زیدی کی تصویر ایک ساتھ پوسٹ کیں جہاں نادیہ افگن کی جانب سے کیا گیا تبصرہ لکھا تھا کہ ’یمنیٰ زیدی اوور ریٹڈ اداکارہ ہیں‘۔

اس تصویر کے کیپشن میں بشریٰ نے لکھا کہ ’پلیز مہمانوں سے ایسے فضول سوالات مت پوچھیں، اور سینئر ہونے کے ناطے آپ کو کئی اداکاروں کو کمتر نہیں سمجھنا چاہیے‘۔

بشریٰ نے نادیہ افگن نے مخاطب ہوکر لکھا کہ ’لوگوں کو آپ کی قدر کی ہے اور لوگوں نے آپ کی ہمیشہ تعریف کی ہے‘۔

انہوں نے یمنیٰ زیدی کی تعریف کرتے ہوئے لکھا کہ ’گزشتہ کچھ سالوں کے دوران ہم نے دیکھا کہ یمنیٰ زیدی ایک زبردست اداکارہ ہیں، روحی بانو کی طرح میں نے انہیں باصلاحیت اور فطری اداکار پایا ہے۔‘

سینئر اداکارہ نے اس حوالے سے مزید لکھا کہ ’اگر آپ اپنی رائے رکھتے ہیں تو اسے سب کے سامنے ظاہر نہ کریں، بُری بات۔‘

اسی پوسٹ کے کمنٹ سیکشن میں یمنیٰ زیدی نے بھی ردعمل دیا۔

یمنیٰ نے لکھا کہ ’آپ کی طرح سینئر اور سپورٹر اگر ہوں تو یہ ایک نعمت ہے۔‘

جبکہ زارا نور عباس نے بھی لکھا کہ ’اس میں کوئی شک نہیں کہ یمنیٰ اس ملک کی بہترین ہنر مند اداکاراؤں میں سے ایک ہیں۔‘

بعد ازاں بشریٰ انصاری نے آج نادیہ افگن کی تصویر شیئر کرتے ہوئے ان کی تعریف کی۔

انہوں نے لکھا کہ نادیہ افگن باصلاحیت اداکارہ اور ہدایت کار ہیں، وہ میری چھوٹی بہنوں کی طرح ہیں، میں نے انہیں نئی نسل کے حوالے سے اپنے خیالات کا اظہار کرتے ہوئے ایک مشورہ دیا تھا لیکن لوگ ہر معاملے پر شدید ردعمل کا اظہار کر رہے ہیں۔

بشریٰ انصاری نے مداحوں کو مخاطب ہوکر لکھا کہ ’نادیہ افگن سینئر اداکارہ ہیں، بدتمیزی نہ کریں، میں نے میزبانوں سے بھی درخواست کی ہے کہ پروگرام میں کسی فنکار کو اس پوزیشن میں لائیں۔‘

دوسری جانب سے نادیہ افگن نے اس تمام معاملے پر باضابطہ طور پر خود کسی ردعمل کا اظہار نہیں کیا۔

البتہ نامور ڈراما سیریل ’تیرے بن‘ میں یمنیٰ زیدی کے ساتھ مرکزی کردار ادا کرنے والے اداکار وہاج علی نے یمنیٰ زیدی کی حمایت کی۔

انسٹاگرام اسٹوری پر انہوں نے یمنیٰ زیدی کو ٹیگ کرتے ہوئے ان کے ساتھ کام کے تجربے کو بہترین قرار دیا، وہاج علی نے لکھا کہ ’یمنیٰ کی اداکاری بناوٹی نہیں ہے، ان کے ساتھ کام کرکے بہت اچھا لگا، وہ اپنے کام میں ماہر ہیں۔‘

وہاج علی اداکارہ نادیہ جمیل کی رائے سے متفق نظر آئے، یاد رہے کہ نادیہ جمیل  نے اس سے قبل اپنی لاتعداد ٹوئٹس میں نوجوان اداکارہ یمنیٰ زیدی کی تعریف کرتے ہوئے کہا تھا کہ یمنیٰ زیدی آسکر ایوارڈ کی مستحق ہیں۔

انہوں نے کہا تھا کہ ’یمنیٰ زیدی بہت کچھ کرسکتی ہے، جب میں اس کی پرفارمنس کو دیکھتی ہوں تو مجھے اس میں ایک انٹرنیشنل اسٹار نظر آتا ہے، وہ ایسی اداکارہ ہیں جو آسکر ایوارڈ بھی جیت سکتی ہیں‘۔

نادیہ جمیل نے بھی نادیہ افگن کے تبصرے پر ردعمل دیتے ہوئے کہا تھا کہ ’یہ نادیہ افگن کی رائے ہے، انہیں اپنی رائے کا اظہار کرنے کا پورا حق ہے لیکن میرے خیال سے یمنیٰ بہت زیادہ تعریف کی مستحق ہے۔‘

یاد رہے کہ  نوجوان اداکارہ یمنیٰ زیدی پر ڈراما سیریل ’تیرے بن‘ میں اداکاری کے حوالے سے تنقید کی جارہی ہے، کئی لوگوں کا خیال ہے کہ ڈرامے کی کہانی انتہائی فضول ہے، ڈرامے میں ازدواجی ریپ جیسے حساس موضوع کو دکھانے پر بھی مداحوں نے شدید تنقید کی تھی۔

مشہور خبریں۔

شمالی کوریا کا ایک بار پھر مزائل تجربہ

?️ 18 جنوری 2022سچ خبریں:شمالی کوریا نے مزید دو میزائلوں کا کامیاب تجربہ کیا ہے

ہر مسجد کو قرآن کا مرکز بننا چاہیے اور اس میں قرآن کی تلاوت عام ہونی چاہیے:آیت اللہ خامنہ ای

?️ 24 مارچ 2023سچ خبریں:اسلامی جمہوریہ ایران کے دار الحکومت تہران میں رمضان المبارک کے

پشاور میں ڈاکووں نے وزیر کے بھائی کو لوٹ لیا

?️ 17 اکتوبر 2021پشاور (سچ خبرین) صوبہ خیبر پختونخوا کے دارالحکومت پشاور میں ڈاکوؤں نے

صیہونی شہریوں کا پناہ گاہوں کی طرف بھاگنا ناقابلِ یقین ہے:سابق صیہونی وزیر جنگ 

?️ 10 مئی 2025 سچ خبریں:سابق صیہونی وزیر جنگ آویگدور لیبرمن نے یمن کے میزائل

پاکستانی حملے میں بھارتی حکومت کی اہم شخصیات ماری گئیں، حامد میر کا دعویٰ

?️ 10 مئی 2025اسلام آباد: (سچ خبریں) پاکستان کے حملے میں بھارتی حکومت کی اہم

90 سے زائد ممالک کی فلسطینیوں کے خلاف صیہونی جارحیت کی مذمت

?️ 20 جنوری 2023سچ خبریں:اقوام متحدہ کے 90 سے زائد رکن ممالک نے ایک بیان

ترین گروپ کو منانے کے لیے حکومت کی کوششیں تیز

?️ 23 مارچ 2022 لاہور(سچ خبریں)حکومت نے پنجاب میں وزیر اعلی کے خلاف تحریک عدم

یورپی یونین کی تاریخ کی سب سے بڑی آگ

?️ 26 اگست 2023سچ خبریں:جرمن اخبار Tugschau نے اپنی ایک رپورٹ میں یونان میں لگنے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے