فیروز خان نے دوسری شادی کرنے کے مشورے پر اپنے مداح کو کیا کہا؟

?️ 25 جون 2023

سچ خبریں:فیروز خان کے ایک مداح نے ان سے کہا کہ کیا آپ اپنے بچوں سے محبت کرتے ہیں؟ آپ کو کسی اور خاتون سے شادی کرلینی چاہیے، میں 24 برس کا ہوں اور میری دو بیویاں ہیں اس پر فیزوز خان نے کہا کہ آپ نے صرف وہی کیا جو آپ کو بتایا گیا تھا۔

فیروز خان کی شادی 2018 میں علیزا سلطان سے ہوئی تھی ، اداکار کے ہاں پہلے بچے کی پیدائش 2019 جب کہ بیٹی کی پیدائش 2022 میں ہوئی تھی۔

بعدازاں 2022 میں ہی فیروز اور علیزا کے درمیان طلاق ہوگئی، علیزا نے الزام عائد کیا کہ فیروز خان انہیں تشدد کا نشانہ بناتے ہیں، بعدازاں دونوں کی جانب سے ایک دوسرے پر کیس فائل کیےگئے جن کی سماعت عدالت میں چل رہی ہے۔

یہ بھی:مشہور فلمی اداکار83 سال کی عمر میں بنے باپ

تاہم آج تک فیروز خان نے دوبارہ گھر بسانے کے بارے میں بات نہیں کی، البتہ اب ان کی ایک پوسٹ پر مداح نے ان کو دوسری شادی کا مشورہ دے ڈالا۔
مداح نے کہا ‘کیا آپ اپنے بچوں سے محبت کرتے ہیں؟ آپ کو کسی اور خاتون سے شادی کرلینی چاہیے، میں 24 برس کا ہوں اور میری دو بیویاں ہیں’۔
صارف کے اس تبصرے اور مشورے پر فیروز بھی جواب دیے بغیر نہ رہ سکے۔

مزید:اداکارہ مریم نور ایک دن کی وزیر اعظم بنیں تو پہلا کام کیا کریں گی؟

اداکار نے کہا ‘آپ نے صرف وہی کیا جو آپ کو بتایا گیا تھا، بہت اعلیٰ’۔
ایک اور مداح نے فیروز سے سوال کیا کہ ’بھائی انڈسٹری چھوڑ دی ہے؟‘ جواب میں انہوں نے کہا ’انڈسٹری نہیں چھوڑتی بھائی کو‘۔

واضح رہے کہ 2020 میں یہ خبریں سامنے آئی تھیں کہ انہوں نے مذہب کی خاطر شوبز انڈسٹری سے کنارہ کشی اختیار کرلی ہے، بعدازاں انہیں کئی پروجیکٹس میں کام کرتے دیکھا گیا۔