عائشہ عمر اور اظفر رحمٰن نئے ڈرامے میں اسکرین پر ایک ساتھ دکھائی دیں گے

🗓️ 23 ستمبر 2021

کراچی (سچ خبریں ) پاکستان کی معروف اداکارہ عائشہ عمر اور معروف اداکار اظفر رحمن نئے ڈراما سیریل میں ایک ساتھ دکھائی دیں گے اس حوالے سے عائشہ عمر نے ساتھی اداکار اظفر رحمٰن کے ساتھ مختلف تصاویر اور ویڈیو کلپس شیئر کرتے ہوئے ڈرامے میں اداکاری سے متعلق بتایا۔

انہوں نے بتایا کہ وہ دونوں آنے والے ڈراما سیریل ‘بساط’ میں مرکزی کردار ادا کریں گے۔عائشہ عمر نے ایک پوسٹ کے کیپشن میں لکھا کہ ‘ہم دوبارہ آرہے ہیں، ہمیشہ ایک لڑائی، ہمیشہ ایک پارٹی’۔

اداکارہ نے بتایا کہ وہ دونوں 6 سال بعد اسکرین پر ساتھ دکھائی دیں گے۔ڈائریکٹر فہیم برنی کی ہدایات میں تیار کیے جانے والے اسے ڈرامے میں 6 سال بعد ساتھ دکھائی دیں گے۔دونوں اداکاروں کو 2015 میں ایک ہولناک حادثے کا سامنا بھی ہوا تھا اور وہ بچنے میں کامیاب ہوگئے تھے۔

عائشہ عمر یوں تو کئی سالوں سے مزاحیہ پلے ‘بلبلے’ سے وابستہ ہیں ہیں لیکن انہوں نے گزشتہ چند سالوں سے کوئی اور ڈراما نہیں کیا اور ان کا آخری ڈراما بھی اظفر رحمٰن کے ساتھ ہی تھا۔اس دوران انہوں نے کئی فلموں میں بھی کام کیا لیکن ان میں سے کوئی بھی تاحال ریلیز نہیں ہوئی۔دوسری جانب اظفر رحمٰن ان دنوں ڈراما سیریل ‘ڈور ‘ اور ‘آخر کب تک’ میں اداکاری کررہے ہیں۔