صبا قمر کا سانحہ مری پر دکھ کا ظہار

?️ 9 جنوری 2022

اسلام آباد (سچ خبریں) فلم و ٹی وی انڈسٹری کی معروف اداکارہ صبا قمر نے کسانحہ مری پر شدید دکھ کا اظہار کرتے ہوئے کہا ہے کہ  سانحۂ مری کی تصاویر دیکھ کر اُن کا دل اُداس ہے۔انہوں نے  سماجی رابطے کی ویب سائٹ ٹوئٹر پر خصوصی پیغام جاری کیا۔’میری دعائیں ان خاندانوں کے لیے ہیں جنہوں نے اپنے پیاروں کو کھو دیا ہے۔

اداکارہ نے اپنے ٹوئٹ میں لکھا کہ ’مری کی تصاویر دیکھ کر دل اُداس ہے۔‘اُنہوں نے کہا کہ ’میری دعائیں ان خاندانوں کے لیے ہیں جنہوں نے اپنے پیاروں کو کھو دیا ہے۔‘صبا قمر نے عوام سے اپیل کرتے ہوئے کہا کہ ’انتہائی سخت موسمی حالات میں سفر کرنے سے پہلے براہِ کرم ٹریول ایڈوائزری چیک کریں۔

واضح رہے کہ ملکۂ کوہسار مری میں برف باری کے دوران گاڑیوں میں پھنس کر انتقال کر جانے والوں کی تعداد 23 ہو گئی ہے۔اسلام آباد، لاہور، گوجرانوالہ، پنڈی، مردان اور کراچی سے تعلق رکھنے والے سیاحوں کو طوفانی برف باری میں موت نے آغوش میں لے لیا۔

ذرائع کا بتانا ہے کہ برف میں گاڑی کا سائلنسر دھنس جائے تو گاڑی میں زہریلی گیس کاربن مونو آکسائیڈ پھیل سکتی ہے، جس کی کوئی بو نہیں ہوتی، مری میں اموات کا سبب ممکنہ طور پر یہی گیس بنی ہے۔اس سانحے پر پورا ملک سوگوار ہے، مری میں جاں بحق افراد کی میتیں ان کے آبائی علاقوں کو منتقل کرنے کا سلسلہ جاری ہے۔