شوبز شخصیات کو تنقید کا نشانہ بنایا جاتا ہے: مانی

?️ 5 جون 2021

کراچی (سچ خبریں)پاکستان شوبز انڈسٹری کے معروف کامیڈین اداکار مانی نے کہا ہے کہ لوگ اپنا غصہ شوبز شخصیات پر تنقید کرکے نکالتے ہیں اور اگر تنقید کرنے سے اگر ناقدین کا  گھریلو غصہ  اور ان کی مایوسی ختم ہوتی ہوتی ہے  تو ہم حاضر ہیں۔

حال ہی میں اداکار مانی نے اپنے آفیشل انسٹاگرام اکاؤنٹ پر ناقدین کے لیے خصوصی پیغام جاری کیا ہے۔اداکار مانی نے اپنی انسٹاگرام اسٹوری میں لکھا کہ ’لوگ شوبز شخصیات پر تنقید کرکے اپنا غصہ اور مایوسی نکالتے ہیں۔‘اُنہوں نے لکھا کہ ’اگر ہم پر تنقید کرنے سے ناقدین کا گھریلو غصہ اور مایوسی ختم ہوتی ہے تو ہم حاضر ہیں۔

مانی نے طنزیہ انداز میں لکھا کہ ’آپ ہم پر تنقید کرکے اپنا ڈپریشن اور مایوسی کو کم کرتے رہیں، ہم آپ کے ساتھ ہیں۔‘واضح رہے کہ سوشل میڈیا پر اکثر صارفین کی جانب سے شوبز شخصیات کو تنقید کا نشانہ بنایا جاتا ہے، کبھی کسی اداکار کی تصویر پر توکبھی کسی کے لباس کی وجہ سے اُن پر شدید تنقید کی جاتی ہے۔

بعض اوقات اداکار ناقدین کے رویے پر خاموشی اختیار کرلیتے ہیں جبکہ کچھ شوبز شخصیات ایسی بھی ہیں جو اپنے ناقدین کو خوب کھری کھری سُناتی ہیں۔خیال رہے کہ مانی پاکستان کے کئی ڈراموں میں مزاحیہ اداکاری کرکے مداحوں کی تعریفیں سمیٹ چکے ہیں، مانی کی اہلیہ اداکارہ حرا ہیں جبکہ اس جوڑی کے دو بیٹے ہیں۔