کیا سیاسی جماعتوں پر بابندی لگانے سے مسائل حل ہو جائیں گے؟ جاوید لطیف کی زبانی

?️ 17 جولائی 2024

سچ خبریں: سابق وفاقی وزیر اور پاکستان مسلم لیگ (ن) کے سینئر رہنما جاوید لطیف نے کہا ہے کہ سیاسی جماعتوں پر پابندیاں لگانا مسائل کا حل نہیں ہے۔

لاہور میں میڈیا سے گفتگو کرتے ہوئے انہوں نے کہا کہ ملک میں سیاسی استحکام بہت ضروری ہے۔ کسی بھی خطرے کا سامنا کرنے والا ملک کسی سیاسی جماعت کو مورد الزام نہیں ٹھہراتا۔ انہوں نے مزید کہا کہ پاکستان اب کسی نئے امتحان کا متحمل نہیں ہو سکتا۔

یہ بھی پڑھیں: پی ٹی آئی پر پابندی کے اغراض و مقاصد

جاوید لطیف نے کہا کہ سی پیک کو ناکام بنانے کی کوشش کی گئی اور پاکستان معاشی، اخلاقی، دفاعی اور سفارتی لحاظ سے کمزور ہو چکا ہے۔

مزید پڑھیں: کیا پی ٹی آئی پر پابندی کا اعلان سب پارٹیوں کے مشورے سے کیا گیا؟

انہوں نے کہا کہ اداروں میں بیٹھے لوگ مصلحت کے تحت خاموش رہیں تو الگ بات ہے، مگر جانتے سب ہیں۔ انہوں نے مزید کہا کہ ہم اب کسی نئے امتحان کے قابل نہیں رہے اور سب کچھ جانتے ہوئے بھی ہم آنکھیں بند نہیں کر سکتے۔