کیا پی ٹی آئی آل پارٹیز کانفرنس میں شرکت کرے گی؟بانی تحریک کیا کہتے ہیں؟

?️ 6 جولائی 2024

سچ خبریں: بانی تحریکِ انصاف نے فیصلہ کیا ہے کہ پی ٹی آئی وزیرِ اعظم کی جانب سے بلائی جانے والی آل پارٹیز کانفرنس میں شرکت کرے گی تاکہ حکومت کا موقف معلوم ہو سکے۔

پی ٹی آئی کے بانی نے اڈیالہ جیل راولپنڈی میں اپنے خلاف مقدمات کی سماعت کے دوران میڈیا سے غیر رسمی گفتگو کرتے ہوئے آل پارٹیز کانفرنس میں شرکت کے حوالے سے آگاہ کیا۔ ان کا کہنا تھا کہ عزمِ استحکام آپریشن پر پارٹی کو تحفظات ہیں اور اس آپریشن سے ملک میں عدم استحکام بڑھنے کا خدشہ ہے۔

یہ بھی پڑھیں: پی ٹی آئی کا حکومت پر مذاکرات کیلئے تاریخ، مقام کے تعین پر زور

انہوں نے یہ بھی نشاندہی کی کہ افغانستان کے ساتھ ہماری 2,500 کلومیٹر طویل سرحد ہے، جو اہمیت رکھتی ہے۔

واضح رہے کہ وزیرِ اعظم شہباز شریف قومی ایکشن پلان کی اپیکس کمیٹی کے فیصلے کی روشنی میں ملک سے دہشت گردی کے خاتمے کے لیے آپریشن عزمِ استحکام پر قومی اتفاقِ رائے پیدا کرنے کے لیے آل پارٹیز کانفرنس کے انعقاد پر غور کر رہے ہیں۔

وزیرِ اعظم آفس کے ذرائع کے مطابق، وزیرِ اعظم شہباز شریف اے پی سی بلانے سے قبل اتحادی جماعتوں کی قیادت کو اعتماد میں لیں گے اور ان سے مشاورت کے بعد آل پارٹیز کانفرنس کی تاریخ کا اعلان کیا جائے گا۔

مزید پڑھیں: عمران خان نے تیز ترین اننگ کھیلنے کا فیصلہ کر لیا

حکومتی اتحادی جماعتوں سے مشاورت کے بعد جے یو آئی ف، اے این پی، جماعتِ اسلامی اور پی ٹی آئی کو بھی اے پی سی میں شرکت کی دعوت دی جائے گی۔