پی ٹی آئی کا جلسہ کیوں نہیں ہوا؟

?️ 6 جولائی 2024

سچ خبریں: پاکستان تحریک انصاف کے اسلام آباد میں جلسے کے اجازت نامے کی معطلی کی وجہ سامنے آگئی ہے، چیف کمشنر اسلام آباد محمد علی رندھاوا نے اس جلسے کا نوٹیفکیشن معطل کرنے کا حکم جاری کیا ہے۔

نوٹیفکیشن کے مطابق، مقامی لوگوں کی شکایات اور سیکیورٹی اداروں کی رپورٹ کی بنیاد پر جلسے کا نوٹیفکیشن معطل کیا گیا۔ پولیس نمائندگان نے تصدیق کی ہے کہ 3 جولائی کو بھاری مقدار میں اسلحہ اور بارود برآمد ہوا تھا اور سنگجانی اور ترنول کے علاقوں میں انٹیلی جنس بنیاد پر آپریشن جاری ہے۔ انٹیلی جنس ایجنسیز کے مطابق محرم کے دوران سیکیورٹی خطرات کا سامنا ہے۔

یہ بھی پڑھیں: بانی پی ٹی آئی کی رہائی کےلیے خیبرپختونخوا میں جلد بڑا جلسہ ہوگا، بیرسٹر گوہر

چیف کمشنر اسلام آباد نے کہا کہ اسلام آباد میں 3 جولائی 2024 کو ہتھیاروں کا ذخیرہ ملا ہے، اور محرم کے باعث جلسے کی سیکیورٹی کے لیے افرادی قوت دستیاب نہیں ہے۔ ان کا کہنا تھا کہ سیکیورٹی ایجنسیوں کی جانب سے سیکیورٹی الرٹ جاری کیے گئے ہیں، جن کے مطابق محرم کے دوران دہشت گرد کارروائیوں کے خطرات ہیں۔

انہوں نے مزید کہا کہ ترنول کا علاقہ گنجان آباد ہے اور ہوائی اڈے، جی ٹی روڈ، اور موٹر وے تک رسائی کا اہم مقام ہے۔

مزید پڑھیں: لاہور میں تاریخی جلسہ کریں گے‘ مینڈیٹ ان کے حلق سے اُگلوائیں گے، شیر افضل مروت

واضح رہے کہ گزشتہ روز اسلام آباد انتظامیہ نے پاکستان تحریک انصاف (پی ٹی آئی) کے جلسے کا اجازت نامہ (این او سی) معطل کر دیا تھا۔