شہدائے کربلا نے کیا پیغام دیا ہے؟عمر ایوب کی زبانی

?️ 18 جولائی 2024

سچ خبریں: قومی اسمبلی میں قائد حزب اختلاف عمر ایوب نے یومِ عاشور پر اپنے پیغام میں شہدائے کربلا کو خراجِ عقیدت پیش کرتے ہوئے کہا ہے کہ شہدائے کربلا ظلم کے خلاف اٹھ کھڑے ہوئے تھے اور انصاف کے بغیر کوئی معاشرہ ترقی نہیں کر سکتا۔

اپنے بیان میں انہوں نے کہا کہ آج مسلمان نواسۂ رسول اور ان کے ساتھیوں کی عظیم قربانیوں کو خراجِ عقیدت پیش کر رہے ہیں۔

یہ بھی پڑھیں: ملک بھرمیں 9 محرم کے جلوس برآمد، حکومت کی جانب سےسیکیورٹی ہائی الرٹ

عمر ایوب نے کہا کہ شہادت امام حسین ایک المناک واقعہ ہے جو امت کو صدیوں بعد بھی افسردہ اور غمگین کرتا ہے، علماء اور مشائخ کو محرم الحرام کا حقیقی پیغام امن، ایثار، قربانی، برداشت اور اتحاد کو اجاگر کرنا چاہیے۔

انہوں نے مزید کہا کہ واقعۂ کربلا شہدائے کربلا کی لازوال قربانیوں کی یاد دلاتا ہے۔

مزید پڑھیں: ملک بھر میں ‘یومِ عاشور’ سخت سیکیورٹی انتظامات میں عقیدت و احترام سے منایا جارہا ہے

عمر ایوب کا کہنا تھا کہ بحیثیت قوم ہمیں بانیٔ پی ٹی آئی کے پیچھے متحد ہو کرنا انصافی کے خاتمے کے لیے اور قانون کی حکمرانی کے لیے جدوجہد کرنی ہے۔