پی ٹی آئی نیا سیاسی اعلان

?️ 2 اگست 2024

سچ خبریں: پاکستان تحریک انصاف نے اگلے 15 دنوں میں نیا سیاسی اتحاد بنانے کا اعلان کیا ہے۔

اڈیالہ جیل میں بانی پی ٹی آئی سے ملاقات کے بعد میڈیا سے گفتگو کرتے ہوئے پی ٹی آئی رہنما اسد قیصر نے کہا کہ ملاقات میں اپوزیشن الائنس کو مزید وسیع کرنے کا فیصلہ ہوا ہے۔ ہم تمام جماعتوں کو اکٹھا کریں گے تاکہ بھرپور تحریک چلائی جا سکے۔

یہ بھی پڑھیں: تحریک انصاف اور جمعیت علمائے اسلام کے اتحاد میں موجود رکاوٹیں

انہوں نے مزید کہا کہ ہر اس جماعت کو ساتھ ملائیں گے جو اس حکومت کے خلاف ہو، ہم سب کے لیے آواز اٹھائیں گے اور سب کو جلسے میں دعوت دیں گے۔

اسد قیصر نے کہا کہ جماعت اسلامی کے دھرنے کو سپورٹ کرتے ہیں۔

مزید پڑھیں: کیا پی ٹی آئی پر پابندی حکومت کو مہنگی پڑے گی؟بیرسٹر گوہر کی زبانی

اپوزیشن لیڈر عمر ایوب نے اس موقع پر کہا کہ 5 اگست کو صوابی میں بڑا جلسہ ہوگا،بانی پی ٹی آئی نے اسماعیل ہنیہ کی شہادت پر افسوس کا اظہار کیا ہے۔