شیخ رشید کا بجلی کا بِل کتنا آیا کہ شکوہ کیا؟

?️ 29 جون 2024

سچ خبریں: سابق وفاقی وزیرِ داخلہ اور عوامی مسلم لیگ کے سربراہ شیخ رشید نے شکوہ کیا ہے کہ ان کا بجلی کا بل 1 لاکھ 68 ہزار روپے آیا ہے۔

شیخ رشید نے ڈسٹرکٹ کورٹ میں میڈیا سے گفتگو کے دوران یہ شکوہ کیا۔

یہ بھی پڑھیں: بجلی کی زائد بلنگ کا معاملہ: حکومتی کمیٹی نے رپورٹ توانائی ڈویژن میں جمع کرادی

صحافیوں کے سوالات کے جواب میں انہوں نے کہا کہ کشمیر کے بعد خیبر پختونخوا اور بلوچستان کے حالات بگڑ رہے ہیں۔

انہوں نے کہا کہ چور، ڈاکو، لٹیری، نااہل اور ناکام بجٹ پیش کرنے والی حکومت کو گھر بھیجنا چاہیے۔ ان کا کہنا تھا کہ یہ حکومت صرف اپنے مقدمات ختم کرنے آئی ہے۔

شیخ رشید نے دعویٰ کیا کہ اگلے مہینے کے آخر تک نواز شریف بھی اپنا بیانیہ بدل لیں گے۔

سابق وفاقی وزیرِ داخلہ نے کہا کہ امریکی کانگریس کے 368 ارکان نے قرارداد منظور کی ہے، یہ فارم 47 کے ممبرز نہیں ہیں۔

شیخ رشید کا کہنا تھا کہ بانیٔ پی ٹی آئی کو ابھی باہر آنے نہیں دیا جائے گا۔

مزید پڑھیں: صارفین کو اضافی بلز بھیجنے پر بجلی کمپنیوں کو شوکاز نوٹس جاری کریں گے، نیپرا

انہوں نے پی ٹی آئی کی قیادت کو مشورہ دیا کہ فوج کے ساتھ مذاکرات کر کے درمیانی راستہ نکالا جائے۔

ان کا مزید کہنا تھا کہ چین کے وزیر نے اسلام آباد میں تقریر کی ہے، قوم کو اس پر بھی غور کرنا چاہیے۔