?️
بلوچستان: (سچ خبریں)دو روز قبل عسکریت پسندوں کی جانب سے اغوا کیے گئے پاکستانی فوج کے ایک افسر کی لاش جمعرات کی صبح بلوچستان کے ضلع ہرنائی کے نواح سے ملی۔
میڈیا رپورٹ کے مطابق لیفٹیننٹ کرنل لائق بیگ مرزا کو منگل کی شب زیارت کے علاقے وارچوم سے ان کے کزن عمر جاوید کے ہمراہ اس وقت اغوا کیا گیا تھا جب وہ اپنے اہلخانہ کے ساتھ کوئٹہ واپس جا رہے تھے۔
پاک فوج کے شعبہ تعلقات عامہ آئی ایس پی آر نے ایک بیان میں کہا کہ ڈی ایچ اے کوئٹہ میں تعینات لیفٹیننٹ کرنل مرزا زیارت میں قائداعظم ریذیڈنسی کا دورہ کرنے گئے تھے، وہاں سے واپسی پر 10 سے 12 مسلح افراد نے ان کی گاڑی کو روکا اور دونوں افراد کو اغوا کر لیا۔
اغوا کی اطلاع ملنے کے بعد فوج کی کوئیک ری ایکشن فورس فوری طور پر روانہ کی گئی جس نے سراغ لگایا کہ عسکریت پسند منگی ڈیم کی طرف اپے خفیہ ٹھکانوں کی طرف بڑھ رہے ہیں۔
اس کے بعد فوج کے ایلیٹ ایس ایس جی کمانڈوز نے متاثرین کی بازیابی کے لیے سرچ آپریشن شروع کیا، 13 اور 14 جولائی کی درمیانی رات چھ سے آٹھ دہشت گردوں کے ایک گروپ کو قریبی پہاڑوں میں ایک نالے میں جاتے ہوئے دیکھا گیا، بیان میں مزید کہا گیا کہ فورسز کو قریب آتے دیکھ کر عسکریت پسندوں نے لیفٹیننٹ کرنل مرزا کے سر میں گولی مار دی اور فرار ہونے کی کوشش کی۔
فائرنگ کے تبادلے میں دو دہشت گرد مارے گئے جبکہ باقی عسکریت پسند دوسرے مغوی عمر جاوید کے ساتھ فرار ہونے میں کامیاب ہو گئے، ان کے قبضے سے آئی ای ڈیز، دھماکا خیز مواد اور گولہ بارود کا ذخیرہ بھی برآمد کیا گیا۔
آئی ایس پی آر نے مزید کہا کہ سیکیورٹی فورسز یرغمال بنائے گئے معصوم شہری کی بازیابی اور مجرموں کو پکڑنے کے لیے پرعزم ہے، خراب موسم کے باوجود فورسز کی جانب سے علاقے میں آپریشن بلاتعطل جاری ہے۔


مشہور خبریں۔
برازیل مشرق وسطیٰ میں کشیدگی کم کرنے کے لیے نئے کردار کی راہ پر
?️ 21 مئی 2026سچ خبریں: جہاں مشرق وسطیٰ میں امریکہ اور صہیونی حکومت کی ایران
مئی
امریکی انتخابات کے تازہ ترین نتائج
?️ 5 نومبر 2026سچ خبریں: امریکی میان مدتی انتخابات کے تازہ ترین نتائج کے مطابق
نومبر
خیبر پختوانخواہ نے مرکزی حکومت سے فوج طلب کر لی
?️ 25 اپریل 2021خیبر پختونخواہ(سچ خبریں) خیبر پختونخوا حکومت نے کورونا وائرس کے تیزی سے
اپریل
تمام صوبوں کو شامل نہیں کیا گیا تو پاکستان کبھی ترقی نہیں کرے گا، شہباز شریف
?️ 13 دسمبر 2022سکھر: (سچ خبریں) وزیر اعظم شہباز شریف نے کہا ہے کہ پاکستان
دسمبر
سپریم کورٹ نے کل چیف الیکشن کمشنر کو طلب کر لیا
?️ 15 فروری 2021اسلام آباد (سچ خبریں) سپریم کورٹ نے سینیٹ الیکشن اوپن بیلٹ کے
فروری
پاکستان اور برطانیہ کا انسدادِ دہشتگردی و منشیات میں تعاون بڑھانے پر اتفاق
?️ 13 نومبر 2025اسلام آباد: (سچ خبریں) پاکستان اور برطانیہ کے مابین انسداد دہشتگردی اور
نومبر
شام میں امریکہ، اسرائیل اور ترکی کی سازش ناکام
?️ 2 دسمبر 2024سچ خبریں: عبدالباری عطوان، علاقائی اخبار رائی الیوم کے ایڈیٹر اور ممتاز
دسمبر
صیہونی حکومت کے سفارت خانے کی حفاظت کے لیے جمہوریہ آذربائیجان کی مشقیں
?️ 15 دسمبر 2021سچ خبریں: پیر کے روز جمہوریہ آذربائیجان کے خبر رساں ذرائع نے
دسمبر