26ویں آئینی ترمیم اہم مقدمہ ہے، بانی کا حکم ہے ہم نے پیچھے نہیں ہٹنا۔ سلمان کرام راجہ

?️ 7 اکتوبر 2025

اسلام آباد (سچ خبریں) تحریک انصاف کے رہنما سلمان اکرم راجہ نے کہا ہے کہ 26ویں آئینی ترمیم اہم مقدمہ ہے، بانی کا حکم ہے ہم نے پیچھے نہیں ہٹنا۔

میڈیا سے گفتگو کرتے ہوئے سلمان اکرم راجہ کا کہنا تھا کہ کل بانی پی ٹی آئی سے دوران سماعت گفتگو ہوئی تھی، 26ویں آئینی ترمیم نے عدالتی نظام کو نقصان پہنچایا۔

اُنہوں نے کہا کہ 26ویں آئینی ترمیم عدلیہ کے خلاف منصوبہ تھا، ہم نے پہلے ہی کہا تھا اِس ترمیم کے بعد عدلیہ ختم ہوجائے گی، ہم نے استدعا کی تھی 26ویں ترمیم کے خلاف سماعت کو لائیو دکھایا جائے۔

سلمان اکرم راجہ کا کہنا تھا کہ آج ہماری لائیو سٹریمنگ کی درخواست منظور ہوئی ہے، 26ویں آئینی ترمیم اہم مقدمہ ہے، بانی کا حکم ہے ہم نے پیچھےنہیں ہٹنا۔

رہنما تحریک انصاف کا مزید کہنا تھا کہ پی ٹی آئی اپنی جدوجہد جاری رکھے گی، نو مئی کیس، صرف دو پولیس اہلکار گواہ پیش کیے گئے۔