?️
کراچی: (سچ خبریں) پاکستانی بینڈ نقاب پوش نے اپنا نیا گانا ’قبضہ‘ ریلیز کردیا ہے، جسے انہوں نے غزہ کی مظلوم عوام کے نام وقف کیا ہے۔
بینڈ نے اعلان کیا ہے کہ اس گانے کی تمام اسٹریمنگ پلیٹ فارمز سے حاصل ہونے والی آمدنی غزہ میں جاری امدادی سرگرمیوں کے لیے عطیہ کی جائے گی۔
’قبضہ‘ کی ویڈیو میں جنگ زدہ غزہ کی فوٹیج اور دنیا بھر میں فلسطین کے حق میں ہونے والے مظاہروں کے مناظر شامل ہیں، ویڈیو میں فلسطینیوں کو اسرائیلی فوج کے خلاف پتھروں اور بوتلوں سے مزاحمت کرتے اور بھوک سے بلکتے بچوں کو کھانے کے لیے فریاد کرتے دکھایا گیا ہے۔
یہ گانا عمار خالد اور حسن تنویر نے لکھا اور کمپوز کیا ہے، جو مزاحمت اور آزادی کی جدوجہد کو اجاگر کرتا ہے، گانے کے الفاظ میں قید سے آزاد ہونے اور عوامی آواز کی طاقت کو بیان کیا گیا ہے۔
بینڈ کے بیس گٹارسٹ عدیل طاہر نے بتایا کہ وہ اس وقت الخدمت فاؤنڈیشن سے عطیات کے حوالے سے بات چیت کر رہے ہیں، جب کہ یوٹیوب ویڈیو کی تفصیل میں مصدقہ فلسطینی اکاؤنٹس کے گوفنڈمی لنکس بھی شامل کیے گئے ہیں۔
نقاب پوش بینڈ کے مطابق وہ 2017 سے موسیقی بنا رہے ہیں، ان کا پہلا گانا ’بھیک‘ 2017 میں، دوسرا ’خاموش ڈکیت‘ 2019 میں اور ایک لائیو البم 2021 میں ریلیز کیا گیا۔
عمار خالد کے مطابق ہم ہمیشہ سماجی مسائل پر گانے بناتے آئے ہیں، مگر اس وقت دنیا کا سب سے بڑا المیہ غزہ کے عوام کی حالت ہے، جنہیں بدقسمتی سے پوری دنیا نے تنہا چھوڑ دیا ہے، یہ گانا تقریباً ایک سال پہلے لکھا گیا تھا اور اب ایک مکمل البم کے ساتھ ریلیز ہوا ہے۔
انہوں نے مزید کہا کہ انہیں محسوس ہوتا ہے کہ پاکستان کے بڑے فنکار غزہ کے معاملے پر خاموش ہیں، سب کی اپنی وجوہات ہوں گی مگر ہمیں یہ غلط لگا، ہم نے 6 اکتوبر کو گانا اس لیے ریلیز کیا کیونکہ 7 اکتوبر کو اسرائیل کے غزہ پر غیر قانونی قبضے کو دو سال مکمل ہورہے ہیں، یہ ہمارا انداز ہے اپنی آواز شامل کرنے کا اور امید ہے دوسرے موسیقار بھی اس کی پیروی کریں گے۔
’قبضہ‘ کی ویڈیو موبائل فرینڈلی فارمیٹ میں ایڈیٹ کی گئی ہے، جس میں بینڈ کے کسی رکن کی فوٹیج شامل نہیں ہے۔
بینڈ کے مطابق یہ ایک سوچا سمجھا فیصلہ تھا تاکہ اصل مسئلے سے توجہ نہ ہٹے، ویڈیو کی فوٹیج اس جنگ کی ناانصافی کو واضح کرتی ہے، جہاں اسرائیلی فوج جدید ہتھیاروں سے عام شہریوں کے گھروں، ہسپتالوں اور کیمپوں کو تباہ کر رہی ہے، جب کہ بہادر فلسطینی صرف پتھروں، لکڑیوں اور حوصلے کے ساتھ مقابلہ کر رہے ہیں۔
’قبضہ‘ بینڈ نے مزید بتایا کہ ویڈیو کا انداز جان بوجھ کر عام سا رکھا گیا تاکہ یہ زیادہ سے زیادہ لوگوں تک پہنچ سکے، کیونکہ انہیں گوگل اور میٹا کی جانب سے ویڈیوز کے مواد پر شیڈو بین کا سامنا ہے۔
خیال رہے کہ 7 اکتوبر 2023 سے شروع ہونے والی اسرائیل کی غزہ پر شدید جنگ میں اب تک کم از کم 67 ہزار افراد جاں بحق ہوچکے ہیں، جن میں خواتین اور بچے بھی شامل ہیں۔
اقوام متحدہ کے مطابق غزہ اور اس کے گردونواح میں قحط کی صورتحال پیدا ہوچکی ہے، جب کہ اسرائیل نے امداد کے بیشتر راستے بند کر رکھے ہیں اور بمباری کا سلسلہ بدستور جاری ہے۔


مشہور خبریں۔
رحیم یار خان اور لودھراں سمیت پنجاب کے مختلف علاقوں میں آسمانی بجلی گرنے سے 13 افراد جاں بحق
?️ 14 اپریل 2024لاہور: (سچ خبریں) پی ڈی ایم اے کا کہنا ہے کہ رحیم
اپریل
نیب ترامیم کالعدم، 6 سابق وزرائے اعظم کے خلاف کرپشن کیسز دوبارہ کھلنے کا امکان
?️ 16 ستمبر 2023اسلام آباد: (سچ خبریں) نیب قوانین میں متنازع ترامیم کو کالعدم قرار
ستمبر
اسرائیلی حملے تمام لبنانیوں کے لیے ایک چیلنج ہیں: جوزف عون
?️ 14 اگست 2025سچ خبریں: لبنان کے صدر جوزف عون نے ایران کے سپریم نیشنل سیکورٹی
اگست
اقوام متحدہ میں پاکستان کا مؤقف بھرپور انداز میں پیش، پارلیمانی وفد کا 2 روزہ دورہ مکمل
?️ 4 جون 2025اسلام آباد: (سچ خبریں) اقوام متحدہ میں پاکستان کا مؤقف بھرپور انداز
جون
غزہ میں موجود صیہونی قیدی ایک بار پھر نیتن یاہو کے لیے درد سر
?️ 30 ستمبر 2024سچ خبریں: عبرانی زبان کے ایک اخبار نے صیہونی حکومت کے وزیر
ستمبر
ٹرمپ کی جانب سے کینیڈا کے خلاف بھاری محصولات کو 3 دن کے لیے معطل کرنے کا اعلان
?️ 19 اگست 2026سچ خبریں: امریکی صدر ڈونلڈ ٹرمپ نے کینیڈا سے درآمدات پر 50
اگست
عیسائی پادری کی بیت المقدس کے خلاف صیہونی سازشوں کی مذمت
?️ 14 جولائی 2022سچ خبریں:مغربی کنارے کے یونانی آرتھوڈوکس آرچ بشپ عطااللہ حنا نے بیت
جولائی
پاکستان نے 18 مارچ کو افغانستان میں دہشتگردوں کے ٹھکانوں کونشانہ بنایا، ترجمان دفتر خارجہ
?️ 21 مارچ 2024اسلام آباد: (سچ خبریں) ترجمان دفتر خارجہ ممتاز زہرہ بلوچ نے کہا
مارچ