ہر طالع آزما کو کہتا ہوں تم قادر نہیں، یہ ظلم کا نظام ہے، ملکی فلاح کے راستے سے ہٹ جاؤ، سلمان اکرم راجہ

?️ 24 اپریل 2025

اسلام آباد: (سچ خبریں) پاکستان تحریک انصاف کے سیکریٹری جنرل سلمان اکرم راجہ کا کہنا ہے کہ ہر طالع آزما کو کہتا ہوں تم قادر نہیں ہو، یہ ظلم کا نظام ہے، ملکی فلاح کے راستے سے ہٹ جاؤ۔

سپریم کورٹ میں میڈیا سے گفتگو کرتے ہوئے انہوں نے کہا کہ عمران خان پر مقدمات سیاسی حربہ ہے، جیل میں مقدمات بذات خود خلافِ قانون ہے، عمران خان کو جیل مینوئل کے مطابق حقوق نہیں دیئے جا رہے، ان کی اخبارات بند کر کے بچوں سے بات تک نہیں کروائی جاتی، اس نظام کا آئین اور قانون سے کوئی تعلق نہیں، اوپن کورٹ میں ٹرائل ہونا چاہیئے، ہر ملزم کا حق ہوتا ہے کہ اسے فئیر اوپن ٹرائل ملے۔

سلمان اکرم راجہ کہتے ہیں کہ ہم تباہی کے گڑھے میں گر چکے ہیں اس سے نکلنا ہوگا، ہر طالع آزما کو کہتا ہوں تم قادر نہیں ہو، ۔

یہ ظلم کا نظام ہے، ہمارے راستے سے ہٹ جاؤ، پاکستان کے عوام کی بات سنو اور ملک کی فلاح کے راستے سے ہٹ جاؤ، ہم جس راستے پر جا رہے ہیں یہ تباہی کا راستہ ہے، یہ ایک گڑھا ہے جس میں ہم گر چکے ہیں، 22 ماہ سے عمران خان کو عوام کی نظروں سے دور کرنے کو کوشش جاری ہے، ان کا خیال تھا کہ عمران خان کی تصویر سکرین سے ہٹائیں گے تو لوگ عمران خان کو بھول جائیں گے لیکن ایسا نہیں ہو سکا، عمران خان جیل میں بیٹھا ہر روز قدآور ہورہا ہے۔

ان کا کہنا ہے کہ اس حکومت کا کوئی کردار نہیں، یہ حکومت مجبور محض ہے، جنگ سپاہیوں نے لڑنی ہے پاکستان کے سپاہیوں کے ساتھ کھڑے ہوں گے لیکن جو سیاست کرتے ہیں اور سیاست میں بگاڑ پیدا کرتے ہیں ان سے ہمارا کوئی تعلق نہیں، نیشنل سکیورٹی کمیٹی اجلاس میں علی امین گنڈاپور بحثیت وزیر اعلیٰ شریک ہوں گے وہ بتائیں گے کہ تحریک انصاف عمران خان کی مشاورت کے بغیر کوئی رائے نہیں دے سکتی۔