کیا ابھی پی ٹی آئی پر پابندی کا فیصلہ نہیں ہوا؟اسحاق ڈار کیا کہتے ہیں؟

?️ 17 جولائی 2024

سچ خبریں: نائب وزیر اعظم اور نائب وزیر خارجہ اسحاق ڈار کا کہنا ہے کہ پی ٹی آئی پر پابندی کا فیصلہ ابھی نہیں کیا گیا، بلکہ یہ فیصلہ اتحادیوں سے مشاورت کے بعد کیا جائے گا۔

لاہور میں میڈیا سے گفتگو کرتے ہوئے اسحاق ڈار نے کہا کہ ہماری حکومت مہنگائی کی ذمہ دار نہیں ہے۔ نواز شریف کے دور حکومت میں مہنگائی پر قابو پا لیا گیا تھا۔

یہ بھی پڑھیں: پی ٹی آئی پر پابندی کے اغراض و مقاصد

اسحاق ڈار نے مزید کہا کہ 2018 کے انتخابات میں دھاندلی کرکے لاڈلے کی حکومت لائی گئی، اور ہم نے ریاست کو بچانے کے لیے اپنی سیاست کو قربان کیا۔

انہوں نے کہا کہ شہباز شریف کی قیادت میں ملک معاشی استحکام کی جانب گامزن ہے، پاکستان نے ایک معاشی قوت بننا ہے اور وہ دن دور نہیں جب مہنگائی ختم ہوگی اور پاکستان معاشی طور پر مستحکم ہو کر ابھرے گا۔

اسحاق ڈار کا کہنا تھا کہ پی ٹی آئی ایک فارن فنڈڈ جماعت ہے اور اتحادیوں سے مشاورت کے بعد اس پر پابندی کا فیصلہ کیا جائے گا۔

مزید پڑھیں: کیا حکومت پی ٹی آئی پر پابندی لگانے کا فیصلہ واپس لے لے گی؟

نائب وزیر اعظم نے کہا کہ ہم آئین و قانون کے تحت ملکی معاملات کو چلائیں گے اور بانی پی ٹی آئی کی طرح آئین و قانون سے کھلواڑ نہیں کریں گے۔