کشمیری کی آزادی کی صورت میں سید علی گیلانی کا خواب جلد پورا ہوگا: صدر مملکت

?️ 2 ستمبر 2021

اسلام آباد (سچ خبریں) صدر مملکت عارف علوی کا کہنا ہے کہ کشمیری کی آزادی کی صورت میں سید علی گیلانی کا خواب جلد پورا ہو گاان کا خواب  کشمیر کی آزادی تھا، جو جلد پورا ہوگا اور کشمیر آزاد ہوگا۔بھارت نے کشمیریوں سے جو وعدے کئے تھے وہ پورے نہیں ہوئے ، کشمیریوں نے بہت ظلم برداشت کیا ہے۔

کشمیری بزرگ رہنما سید علی گیلانی کے انتقال اور جسد خاکی چھیننےاور تدفین کے معاملے پر صدر مملکت نے کہا کہ بھارت ایسی حرکتوں سے اپنے اندر آگ لگا رہا ہے، بھارت اپنی حرکتوں سے خود کو تباہ کرلے گا۔انہوں نے کہا کہ کشمیریوں سے جو وعدے کئے گئے وہ پورے نہیں ہوئے، وہاں عورتوں سے زیادتی کی گئی، لوگوں کو اندھا کیا گیا، کشمیریوں نے بہت ظلم برداشت کیا ہے۔

صدر مملکت نے کہا کہ میں سمجھتا ہوں فیصلہ کن گھڑی بہت عرصے سے چل رہی ہے، اقوام متحدہ کی ساکھ پربہت برا اثر ہے، پاکستان نے بھروسہ کیا، ورنہ کشمیر آزاد کرالیتے،اقوام متحدہ کے وعدوں کی بنیاد پر تاخیر ہوئی، کشمیر میں جانیں ضائع ہوئی ہیں۔

واضح رہے کہ وفاقی وزیر داخلہ شیخ رشید کا بھی  کہنا ہے شیخ رشید نے کہا کہ سید علی گیلانی نے شہادت کا رتبہ پایا ہے، انہوں نے آخری دم تک لڑائی لڑی، سید علی گیلانی کی وفات پر ایک روزہ سوگ منا رہے ہیں،سید علی گیلانی نے ساری زندگی کشمیر کی آزادی کی جنگ لڑی۔