کشمیرکی آزادی کے لئے کسی قربانی سے دریغ نہیں کیا جائے گا:گورنر پنجاب

?️ 16 اکتوبر 2021

اٹلی (سچ خبریں) گورنر پنجاب چوہدری محمد سرور نے کہا ہے کہ کشمیرکی آزادی کے لئے کسی قربانی سے دریغ نہیں کیا جائے گا، کشمیرمیں انسانی حقوق کی خلاف ورزی پرعالمی اداروں کی خاموشی ظلم ہے۔اٹلی میں  شام کشمیر کے نام”تقریب میں کشمیریوں کی نسل کشی کرنیوالی بھارتی فورسز کو دہشت گرد قرار دینے کا مطالبہ کردیا گیا۔

تفصیلات کے مطابق گورنر پنجاب چوہدری محمد سرور  نے اٹلی میں ’’ایک شام کشمیر کے نام”تقریب میں شرکت کی ، جس میں کشمیر میں بھارتی دہشتگردی کیخلاف مذمتی قرار داد بھی منظور کی گئی۔جس میں کشمیریوں کی نسل کشی کرنیوالی بھارتی فورسز کودہشت گرد قرار دینے کا مطالبہ کیا گیا۔

گورنرپنجاب چوہدری محمد سرور نے کہا کہ کشمیرپاکستان کی شہ رگ ہے، کشمیرکی آزادی کےلیے کسی قربانی سے دریغ نہیں کیاجائے گا۔چوہدری سرور کا کہنا تھا کہ دنیا میں جہاں بھی جاؤں کشمیر کےلیےآوازبلندکرنامیرازندگی کامشن ہے، بھارتی سیکیورٹی فورسز کشمیر میں بے گناہوں کا قتل عام کررہی ہے، کشمیر میں انسانی حقوق کی خلاف ورزی پرعالمی اداروں کی خاموشی ظلم ہے۔

انھوں نے کہا کہ وزیراعظم کشمیریوں کے سفیر بن کر انکا مقدمہ لڑ رہے ہیں، کشمیرکی آزادی کےبغیردنیا میں امن کاخواب شرمندہ تعبیر نہیں ہوسکتا، کشمیریوں کی قربانیاں رنگ لائیں گی ، ایک دن کشمیر بنے گا پاکستان۔