کرپشن کے خلاف بولنے کی وجہ سے حلیم عادل کو سزا دی جا رہی ہے: شبلی فراز

?️ 22 مارچ 2021

 اسلام آباد(سچ خبریں) سینیٹر شبلی فراز نے حلیم عادل کی حمایت کرتے ہوئے کہا ہے کہ حلیم عادل کی غلطی صرف اتنی تھی کہ وہ کرپشن کے خلاف تھے ان  کا کہنا ہے کہ حلیم عادل شیخ کو سندھ حکومت کی کرپشن اور اندھیر نگری کو بے نقاب کرنے کی سزا دی جا رہی ہے

شبلی فراز کا کہنا ہے کہ حلیم عادل شیخ کو سندھ حکومت کی کرپشن اور اندھیر نگری کو بے نقاب کرنے کی سزا دی جا رہی ہے، جمہوریت اور اظہار رائے کا راگ الاپنے والے سندھ کے اپوزیشن رہنما کی آواز کو خاموش کرنا چاہتے ہیں، پوری سندھ حکومت اور حکومتی مشینری پی ٹی آئی کے ٹائیگر حلیم عادل شیخ کو نقصان پہنچانے کے درپے ہے تاہم وہ عمران خان کے سپاہی ہیں۔

شبلی فراز نے کہا کہ کرپشن اور ناانصافی کے خلاف عمران خان کا علم پوری قوت سے تھامے رکھیں گے، آج سندھ کا انفراسٹرکچر تباہ حال جب کہ تعلیمی ادارے مویشیوں کے باڑے بن چکے ہیں لیکن حلیم عادل شیخ سندھ کے عوام کی آواز بنتے رہیں گے۔