?️
کراچی: (سچ خبریں) ملک کی سب سے بڑی بندرگاہ کراچی پورٹ پر پہلی بار جدید بنکرنگ کی سہولت کا آغاز کر دیا گیا ہے، جس سے توقع کی جا رہی ہے کہ نہ صرف پورٹ کی ساکھ میں اضافہ ہوگا بلکہ آمدن میں بھی بہتری آئے گی۔
ڈان اخبار میں شائع رپورٹ کے مطابق پاکستان نے کراچی پورٹ پر پہلی بار معیاری بنکرنگ کی سہولت شروع کر دی ہے، جس سے ملک کی سب سے بڑی بندرگاہ اب عالمی معیار کے مطابق چل سکے گی۔
پورٹ پر بنکرنگ کا مطلب ہے جہازوں کو ایندھن دینا، جیسے میرین گیس آئل، ہیوی فیول آئل یا ایل این جی جو جہاز چلانے اور اس کی مشینری کے لیے استعمال ہوتا ہے۔
بنکرنگ ایک بہت حساس اور سخت قوانین کے تحت چلنے والا عمل ہے، جس میں زمین پر موجود ذخیرہ گاہوں، ٹینکر ٹرکس یا بنکر جہازوں سے ایندھن کو جہاز کے ٹینک میں منتقل کیا جاتا ہے۔
منگل کو وزیرِ بحری امور جنید انور چوہدری نے کہا کہ اس اقدام کا مقصد پورٹ کی خدمات کو جدید بنانا اور پاکستان کے سمندری ڈھانچے کو بہتر بنانا ہے۔
انہوں نے کہا کہ ریگولیٹڈ بنکرنگ کی سہولت کراچی پورٹ میں ایک پرانا خلا دور کرے گی اور اسے خطے اور دنیا کے دیگر بنکرنگ مراکز کے مقابلے میں زیادہ مؤثر بنائے گی۔
وزیرِ بحری امور نے مزید کہا کہ محفوظ، قابلِ اعتماد اور منظم بنکرنگ سہولت کی دستیابی سے توقع ہے کہ زیادہ بین الاقوامی شپنگ کمپنیاں کراچی کی بندرگاہ کا رخ کریں گی، خاص طور پر وہ جو تیز اور معیاری خدمات چاہتی ہیں۔
قبل ازیں ملک میں تجارتی جہازوں کے لیے ایندھن بھرنے کی کوئی سہولت موجود نہیں تھی اور جہازوں کو ایندھن لینے کے لیے فجیرہ یا سنگاپور جانا پڑتا تھا۔
اب ایندھن کی فراہمی اور بنکرنگ کا کام سوئس نژاد ڈچ کمپنی ’وٹول‘ اپنی بارج کے ذریعے کرے گی۔
اسی دوران کراچی کی ریفائنری ’سینرجیکو‘ نے جہازوں کے لیے عالمی معیار کا ’ویری لو سلفر فیول آئل‘ (وی ایل ایس ایف او) تیار کرنا شروع کر دیا ہے۔
یہ سہولت اس لیے بھی ضروری ہو گئی ہے کہ بھارت نے ان جہازوں پر پابندی لگا دی ہے جو اس کی بندرگاہوں پر آتے یا وہاں سے روانہ ہوتے ہیں اور کسی پاکستانی بندرگاہ پر رک کر خدمات حاصل کرتے ہیں۔
کراچی پورٹ ٹرسٹ (کے پی ٹی) کے ذرائع نے کہا کہ بنکرنگ سہولت کی دستیابی سے پورٹ پر جہازوں کی آمد بڑھ جائے گی، جس سے آمدن میں بھی اضافہ ہوگا۔
وزیر بحری امور نے کہا کہ اس اقدام سے پورٹ فیس، میرین سروسز اور دیگر تجارتی سرگرمیوں جیسے مرمت، سپلائز اور میری ٹائم لاجسٹکس کے ذریعے ملک کے زرمبادلہ کے ذخائر میں اضافہ ہوگا۔
جنید انور چوہدری کے مطابق نئی سروس پاکستان کی عالمی سمندری مارکیٹ میں ساکھ بڑھائے گی اور ظاہر کرے گی کہ ملک جدید، ماحول دوست اور عالمی معیار کے مطابق پورٹ منیجمنٹ کے لیے پرعزم ہے۔
انہوں نے کہا کہ ایندھن کے معیار، حفاظتی اقدامات، دستاویزات اور شفافیت جیسے عالمی معیارات پر عمل درآمد جہاز مالکان اور بین الاقوامی کمپنیوں کا اعتماد حاصل کرنے کے لیے ضروری ہے۔
وفاقی وزیر نے کہا کہ پہلے مرحلے میں دنیا کی معروف انرجی ٹریڈنگ کمپنیوں میں سے ایک کے ساتھ مل کر کراچی پورٹ پر عالمی معیار کے مطابق بنکرنگ شروع کی جائے گی۔
انہوں نے کہا کہ جیسے جیسے مقامی ریفائنریز عالمی معیار کے مطابق زیادہ ایندھن فراہم کریں گی، منصوبے میں مزید توسیع ہوگی، جس کا براہ راست فائدہ قومی خزانے کو ہوگا۔
جنید انور چوہدری نے بتایا کہ کے پی ٹی نے موجودہ بنکرنگ طریقہ کار کا جائزہ لیا، عالمی طریقے سیکھے، نئی دستاویزات تیار کیں اور متعلقہ اسٹیک ہولڈرز کو شامل کیا تاکہ یہ سروس فعال ہو سکے۔
انہوں نے کہا کہ یہ سنگِ میل کے پی ٹی کے مقصد کو مضبوط کرتا ہے کہ وہ خطے کا اہم پورٹ ہب بنے اور یہ ظاہر کرتا ہے کہ حکومت پورٹ کی صلاحیتوں کو بین الاقوامی معیار کے مطابق بڑھانے کا ارادہ رکھتی ہے۔


مشہور خبریں۔
آج رات 11 بجے سے پہلے ٹکٹوں کا اعلان کروں گا، چیئرمین پی ٹی آئی
?️ 11 جنوری 2024راولپنڈی: (سچ خبریں) پاکستان تحریک انصاف (پی ٹی آئی) کے چیئرمین بیرسٹر
جنوری
100سال استعمار ؛ انسانیت کے خلاف جرائم پر معافی مانگنے سے بھی انکار
?️ 21 جنوری 2023سچ خبریں:الجزائر نے اپنی تاریخ کے 132 سال فرانسیسی حکومت کے ہاتھوں
جنوری
روس: ہم نے طویل عرصے سے فلسطینیوں کے حقوق کو تسلیم کیا ہے
?️ 23 ستمبر 2025سچ خبریں: روس کے نائب وزیر خارجہ نے اعلان کیا ہے کہ
ستمبر
پاکستان طالبان سمیت افغانستان کے تمام گروہوں سے اچھے تعلقات چاہتا ہے: وزیر خارجہ
?️ 25 اگست 2021اسلام آباد (سچ خبریں) نجی ٹی وی چینل کے پروگرام میں بات
اگست
عمران خان نے اسلام آباد میں جوڑے پر تشدد کی تفصیلات طلب کر لی ہیں
?️ 8 جولائی 2021اسلام آباد (سچ خبریں) تفصیلات کے مطابق وزیراعظم کی جانب سے اسلام
جولائی
بھارتی وزارتِ خارجہ کا فیلڈ مارشل سے متعلق بیان گمراہ کن، مسترد کرتے ہیں۔ پاکستان
?️ 11 اگست 2025اسلام آباد (سچ خبریں) وزارتِ خارجہ کے ترجمان نے بھارتی وزارتِ خارجہ
اگست
ھآرتض: اسرائیل نے ایران کے ساتھ جنگ میں اپنا کوئی مقصد حاصل نہیں کیا
?️ 1 جولائی 2025سچ خبریں: عبرانی اخبار ھآرتض نے اس بات کا اعتراف کرتے ہوئے
جولائی
اسرائیل بغیر امریکی حمایت ایران پر حملہ نہیں کرسکتا۔ ملیحہ لودھی
?️ 12 جون 2025اسلام آباد (سچ خبریں) پاکستان کی سابق سفیر ملیحہ لودھی کا کہنا
جون