’ڈیڈ لائن میں توسیع‘ کی الجھن کے درمیان افغان باشندوں کی ملک بدری کا عمل آج شروع ہوگا

?️

اسلام آباد: (سچ خبریں) افغان سٹیزن کارڈ ہولڈرز (اے سی سی) کے حامل افراد کے لیے رضاکارانہ طور پر ملک چھوڑنے کی حکومتی ڈیڈ لائن ختم ہو گئی، افغان پناہ گزینوں کو وطن واپس بھیجنے کا دوسرا مرحلہ آج (جمعرات) سے شروع ہوگا۔

ڈان اخبار کی رپورٹ کے مطابق حکومت نے اے سی سی ہولڈرز کی وطن واپسی کی آخری تاریخ 31 مارچ مقرر کی تھی اور عالمی برادری کی جانب سے ڈیڈ لائن میں توسیع کے مطالبے کے باوجود پیچھے ہٹنے سے انکار کردیا تھا۔

پشاور میں افغان کمشنریٹ کے ایک سینئر عہدیدار نے ڈان کو بتایا کہ اگرچہ ڈیڈ لائن 31 مارچ تھی، لیکن صوبائی حکومت نے عید الفطر کو مدنظر رکھتے ہوئے اس میں 2 اپریل تک توسیع کردی، اب دوسرا مرحلہ (جمعرات) سے شروع ہوگا اور ہم نے لنڈی کوتل اور ناصر باغ روڈ پر ایک ایک کیمپ قائم کیا ہے۔

عید کی وجہ سے 2 دن کی نرمی نے سرکاری حلقوں میں کچھ الجھن پیدا کردی تھی، کچھ ذرائع نے مشورہ دیا کہ وطن واپسی کی ڈیڈ لائن میں توسیع کی جائے۔

فرانسیسی خبر رساں ادارے ’اے ایف پی‘ کے مطابق عید کی تعطیلات کی وجہ سے ڈیڈ لائن میں اگلے ہفتے کے آغاز تک توسیع کردی گئی، جب کہ ایسوسی ایٹڈ پریس (اے پی) نے دعویٰ کیا کہ گرفتاریوں اور ملک بدری کو 10 اپریل تک روک دیا گیا ہے۔

جڑواں شہروں میں قانون نافذ کرنے والے ذرائع نے یہ بھی دعویٰ کیا کہ افغانوں کی وطن واپسی کی ڈیڈ لائن خاموشی سے 10 اپریل تک بڑھا دی گئی ہے، اور سرکاری طور پر کچھ نہیں بتایا گیا۔

تاہم وزارت داخلہ کے ایک عہدیدار نے اس دعوے کی تردید کرتے ہوئے کہا کہ اس میں توسیع نہیں کی گئی ہے۔

یو این ایچ سی آر کے خدشات

سرکاری اعداد و شمار کے مطابق ستمبر 2023 سے اب تک مجموعی طور پر 69 ہزار 494 خاندانوں کو افغانستان واپس بھیجا جا چکا ہے جن میں 4 لاکھ 73 ہزار 397 افراد شامل ہیں، جن میں ایک لاکھ 57 ہزار 513 مرد، ایک لاکھ 11 ہزار 381 خواتین اور ایک لاکھ 97 ہزار 821 بچے شامل ہیں۔

یو این ایچ سی آر کے ترجمان قیصر خان آفریدی نے ’ڈان‘ کو بتایا کہ اقوام متحدہ کے ادارے کو حکومت کی ہدایت پر تشویش ہے، کیونکہ افغان سٹیزن کارڈ ہولڈرز میں ایسے افراد ہوسکتے ہیں جنہیں بین الاقوامی تحفظ کی ضرورت ہے۔

اس تناظر میں ہم حکومت پر زور دے رہے ہیں کہ وہ ان کی صورت حال کو انسانی ہمدردی کی نظر سے دیکھے، ہم پاکستان اور افغانستان کے درمیان رابطے پر بھی زور دیتے ہیں تاکہ واپسی باوقار اور رضاکارانہ ہو سکے۔

دریں اثنا، افغان وزیر برائے مہاجرین مولوی عبدالکبیر نے پناہ گزینوں کے ساتھ انسانی سلوک پر زور دیا، خاص طور پر سرحدی ممالک کی جانب سے افغانوں کے ساتھ بدسلوکی کی اطلاعات کی روشنی میں، جن میں قانونی ویزا رکھنے والے افراد کو بھی ملک بدر کیا گیا تھا۔

ایک بیان میں عبوری افغان حکومت نے افغان مہاجرین کی رضاکارانہ واپسی کے اپنے مطالبے کا اعادہ کیا اور پاکستان اور ایران پر زور دیا کہ وہ جبری جلاوطنی بند کریں۔

مشہور خبریں۔

ٹرمپ ایران جنگ کے دلدل میں پھنس گئے؛ یورپی میڈیا میں امریکی طاقت کے زوال کی تصویر

?️ 11 جون 2026سچ خبریں: یورپی میڈیا نے اپنی تازہ رپورٹس اور تجزیوں میں ایران

حماس کا غزہ سے اظہار یکجہتی کے لیے تین روزہ عالمی مہم چلانے کا مطالبہ

?️ 11 نومبر 2026سچ خبریں:حماس نے غزہ میں جاری انسانی بحران، اسرائیلی محاصرے اور سرد

ابراہیم رئیسی کا دورہ دمشق

?️ 4 مئی 2023سچ خبریں:شام کے ساتھ علاقائی اور عرب سیاسی ممالک کے درمیان تعلقات

ایران کے ساتھ سفارت کاری کا موقع اب بھی موجود

?️ 4 مارچ 2023سچ خبریں:امریکی معاون نائب وزیر دفاع نے کہا کہ اس ملک کے

پسنی میں امریکی بندرگاہ علاقائی سلامتی کے لیے چیلنج؛ پاکستانی سینئر سیاستدان کی وارننگ

?️ 8 اکتوبر 2025سچ خبریں:پاکستانی سینئر سیاستدان مشاہد حسین سید نے بلوچستان کے ساحلی علاقے

افغانستان کا صحت کا نظام تباہ و برباد

?️ 30 اکتوبر 2021سچ خبریں: اشاعت کے مطابق افغانستان میں یونیسیف کے نمائندے سلام الجنبی نے

اسٹارمر کے ممکنہ طور پر عہدے سے دستبرداری کا امکان

?️ 21 جون 2026سچ خبریں: معروف برطانوی اخبار دی آبزرور نے رپورٹ کیا ہے کہ توقع

ایران-اسرائیل جنگ بندی کا تسلسل ہماری اسٹریٹجک ترجیح ہے:ترکی 

?️ 1 جولائی 2025 سچ خبریں:ترک وزیر خارجہ ہاکان فیدان نے انقرہ میں برطانوی ہم

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے