ڈپٹی چیئرمین سینیٹ کا انکشاف، دوسری جماعتوں کے لوگوں نے بھی مجھے ووٹ دیئے

?️ 18 مارچ 2021

اسلام آباد (سچ خبریں) موجودہ ڈپٹی چیئرمین سینیٹ مرزا محمد آفریدی نے اہم انکشاف کرتے ہوئے کہا ہے کہ دوسری جماعتوں کے لوگوں نے بھی مجھے ووٹ دیئے، حکومتی امیدوار مرزا آفریدی ڈپٹی چیئرمین سینیٹ کا انتخاب جیت کر ڈپٹی چیئرمین سینیٹ منتخب ہوئے ہیں جنہوں نے مرزا محمد آفریدی نے 54 ووٹ حاصل کیے جبکہ پی ڈی ایم کے امیدوار مولانا عبدالغفور حیدری نے 44 ووٹ حاصل کیے تھے۔

تفصیلات کے مطابق مرزا محمد آفریدی نے مزار اقبال پر میڈیا سے گفتگو کے دوران کہا کہ وزیراعظم عمران خان  نے انتخابی اصلاحات کے لیے کمیٹی بنادی ہے، اپوزیشن اور حکومت کو ساتھ لے کر سینیٹ کا ایوان چلائیں گے۔اس دوران صحافی کی جانب سے مرزا محمد آفریدی سے سوال پوچھا گیا کہ کن لوگوں نے ووٹ دیئے ان کے نام بتا دیں، جس پر ڈپٹی چئیرمین مرزا آفریدی سوال کا جواب دیئے بغیر واپس چلے گئے۔

خیال رہے کہ پاکستان تحریک انصاف کے رکن  اور موجودہ  ڈپٹی چیئرمین سینیٹ سینیٹر مرزا محمد آفریدی کا تعلق ضلع خیبر سے ہے۔وزیراعظم عمران خان نے خیبر پختونخوا کے قبائلی ضلع خیبر کی تحصیل باڑہ کے قبیلہ سپاہ سے تعلق رکھنے والے سینیٹر مرزا محمد آفریدی کو ڈپٹی چیئرمین سینیٹ کے لیے نامزد کیا تھا ۔

واضح رہے کہ حال ہی میں ڈپٹی چیئرمین سینیٹ کے انتخاب میں حکومتی امیدوار مرزا آفریدی ڈپٹی چیئرمین سینیٹ کا انتخاب جیت کر ڈپٹی چیئرمین سینیٹ منتخب ہوئے ہیں ۔ڈپٹی چیئرمین سینیٹ کے لیے 98 ووٹ کاسٹ ہوئے تھے ۔حکومتی امیدوار مرزا محمد آفریدی نے 54 ووٹ حاصل کیے جبکہ پی ڈی ایم کے امیدوار مولانا عبدالغفور حیدری نے 44 ووٹ حاصل کیے تھے، جبکہ انتخاب  کے دوران کوئی بھی ووٹ مسترد نہیں ہوا۔