پی ٹی آئی میں ایک فیکٹر خود مائنس ون کررہا ہے۔ فیصل واوڈا

?️ 9 دسمبر 2025

اسلام آباد (سچ خبریں) سینئر سیاستدان فیصل واوڈا نے کہا ہے کہ پی ٹی آئی میں ایک فیکٹر خود مائنس ون کررہا ہے۔

فیصل واوڈا کا کہنا تھا جکہ 190 ملین پاؤنڈ کیس کا فیصلہ توآنا ہی آنا ہے، بانی پی ٹی آئی کےخلاف بہت سارے کیسز ہے۔ اُنہوں نے کہا کہ عارضی نالائق وزیراعلیٰ کہتا ہے بیرسٹر گوہر کی پریس کانفرنس کونہیں مانتا،عارضی نالائق وزیراعلیٰ بیوقوف بنا رہا ہے، یہ تو ایم کیو ایم سے بھی گئے گزرے ہیں، آج نالائق عارضی وزیراعلیٰ، ایم این ایز سارے کہاں ہے۔

فیصل واوڈا کا کہنا تھا کہ ہم کچھ نہیں کررہے، ان کی پارٹی مائنس ون کررہی ہے، پی ٹی آئی منظم طریقے سے جیل توڑنے کی بات کر رہی ہے، پی ٹی آئی کا ایک فیکٹر چاہتا ہے کوئی بڑا نقصان ہوجائے تو یہ سکون سے20 سے25 سال اس نام پر سیاست کریں۔

سینئر سیاستدان کا کہنا تھا کہ اس کے بینشفری ذائچے اور تعویز والے بھی ہوں،اللہ نہ کرے ایسا ہو، یہ ا’ن کا پروگرام ہے اَسی لیے مہینے، ڈیڑھ ماہ تک جیل تبدیل کر دیں گے۔