?️
اسلام آباد:(سچ خبریں) وفاقی وزیر داخلہ رانا ثنا اللہ نے کہا ہے کہ انٹیلی جنس اداروں نے ایک آڈیو پکڑی ہے جس کے مطابق پاکستان تحریک انصاف (پی ٹی آئی) کے کسی کارکن کے گھر پر چھاپے کے دوران فائرنگ اور ریپ کا ڈراما رچا کر قانون نافذ کرنے والے اداروں اور ملک کو بدنام کرنا تھا۔
رات گئے پریس کانفرنس میں رانا ثنا اللہ نے کہا کہ انٹیلی جنس اداروں نے ایک گفتگو پکڑی ہے، اس میں شامل کرداروں پر بھی نظر رکھی گئی، اس گفتگو میں 2 طرح کی منصوبہ بندی کی جارہی تھی۔
انہوں نے کہا کہ ایک منصوبے کے تحت پی ٹی آئی کے کسی بھی معروف کارکن کے گھر پر ایک باقاعدہ چھاپے کا منصوبہ بنایا جارہا تھا کہ وہاں فائرنگ کا واقعہ پیش آئے اور اس کے نتیجے میں وہاں پر ہلاکتیں ہوں اور پھر اس واقعے کو اس مقصد کے لیے استعمال کیا جائے کہ دیکھیں پاکستان میں انسانی حقوق کی کس طرح خلاف ورزی ہورہی ہے، لوگوں پر ظلم ہورہا ہے، پولیس اور قانون نافذ کرنے والے ادارے لوگوں کے گھروں میں گھس کر انہیں ہلاک کر رہے ہیں۔
ان کا کہنا تھا کہ اسی گفتگو میں دوسری منصوبہ بندی یہ چل رہی تھی کہ ریپ ایکٹ کیا جائے یعنی باقاعدہ ریپ کیا جائے اور اس کا الزام قانون نافذ کرنے والے اداروں پر لگایا جائے، یہ دعویٰ کیا جائے کہ یہ سب حکومت کی ایما پر ہورہا ہے اور اس واقعے کو انٹرنیشنل میڈیا میں اچھالا جائے۔
وزیر داخلہ نے کہا کہ اس گفتگو میں اس بات کے امکانات پائے گئے کہ ریپ کا یہ ڈرامہ آج رات (گزشتہ رات) ہی رچایا جائے، اس لیے یہ ضروری سمجھا گیا کہ اس شیطانی منصوبے سے قوم کو آگاہ کیا جائے تاکہ اس گمراہ عمرانی ٹولے کا اصل چہرہ لوگوں کے سامنے عیاں ہو۔
انہوں نے کہا کہ ان لوگوں نے 9 مئی کو ملک اور قوم کے ساتھ ظلم کیا، انہوں نے شہدا کی فیملی کو دکھ اور رنج سے دوچار کیا، انہوں نے ملک میں ہیجان پیدا کرنے اور اداروں کو تقسیم کرنے کی ناپاک کوشش کی، الحمداللہ پوری قوم نے یکجہتی کے ساتھ اس کا مقابلہ کیا۔
رانا ثنا اللہ نے کہا کہ یہ ٹولہ اپنی سازشوں میں ناکام ہوگیا تو اس کے بعد انہوں نے کوشش کی کہ اس معاملے کو پوری دنیا میں اس انداز سے پھیلایا جائے کہ جیسے یہاں انسانی حقوق کی خلاف ورزی ہورہی ہے، اس کے لیے انہوں نے کافی تگ و دو کی، زلمے خلیل زاد جیسے لوگوں کی مدد حاصل کی گئی جس کا کام ہی پیسے لے کر لابنگ کرنا ہے۔
انہوں نے کہا کہ پی ٹی آئی کا یہ ڈرامہ نہ چل سکا کیونکہ ان کی حرکتیں جب ساری قوم کے سامنے پیش کی گئیں کہ یہ کس قسم کا سفاک ٹولہ ہے جسے شہدا کی نشانیوں کا پاس نہیں ہے، انہوں نے گھروں کو لوٹا اور انہیں آگ لگادی، یہ ساری چیزیں عیاں ہوگئیں تو اب انہوں نے یہ انتہائی گھٹیا ڈرامہ رچانے کی منصوبہ بندی کی ہے۔
وزیرداخلہ نے کہا کہ 9 مئی کے واقعات میں جو جو لوگ ملوث تھے انہیں قرار واقعی سزا ملے گی، انہیں ہر قیمت پر انصاف کے کٹہرے میں لایا جائے گا، کسی سے رعایت نہیں برتی جائے گی، ساتھ ہی وزیراعظم شہباز شریف اور آرمی چیف کا یہ عزم بھی موجود ہے کہ کسی بےگناہ کو اس میں ملوث نہیں کیا جائے گا۔
انہوں نے کہا کہ میں اس گمراہ ٹولے اور اس کے سرغنہ کو واضح کرنا چاہتا ہوں کہ اگر اس طرح کے اور ڈرامے گھڑنے کی اور اپنے آپ کو مظلوم ثابت کرنے کی کوشش کی گئی تو ان شا اللہ وہ اس میں بھی ناکام ہوں گے۔


مشہور خبریں۔
آئینی عدالت کے قیام سے متعلق ترمیم کا حکومتی مسودہ سامنے آگیا
?️ 13 اکتوبر 2024اسلام آباد: (سچ خبریں) آئینی معاملات کےحل کے لیے وفاقی آئینی عدالت
اکتوبر
یمن کا ٹرمپ کے امن منصوبے پر حماس کے جواب پر ردعمل
?️ 4 اکتوبر 2025سچ خبریں: یمن کے انصار اللہ تحریک کے سیاسی دفتر کے رکن
اکتوبر
نیتن یاہو کچھ بول کیوں نہیں رہے؟ صیہونی میڈیا کا انکشاف
?️ 15 اکتوبر 2023سچ خبریں: عبرانی میڈیا نے انکشاف کیا کہ نیتن یاہو کے چند
اکتوبر
حضرت علیؑ کی تعلیمات عدل، شجاعت و انسانیت کی اعلی مثال ہیں۔ مراد علی شاہ
?️ 11 مارچ 2026کراچی (سچ خبریں) وزیرِ اعلیٰ سندھ سید مراد علی شاہ کا کہنا
مارچ
صہیونی فوج میں بحران؛ کوئی بھی فوج میں ملازمت کرنے کو تیار نہیں
?️ 1 مئی 2023سچ خبریں:اسرائیل ہیوم اخبار نے اپنی ایک رپورٹ میں کہا ہے کہ
مئی
ہم نے ایسی جنگ کبھی نہیں دیکھی: گیلنٹ
?️ 29 فروری 2024سچ خبریں:صیہونی حکومت کے وزیر جنگ یوو گیلنٹ نے کہا کہ ہم
فروری
جرمنی میں چانسلر کے خلاف عوامی ناراضگی کا ریکارڈ قائم
?️ 7 جون 2026سچ خبریں:تازہ ترین عوامی جائزوں کے مطابق جرمنی کے چانسلر فریڈرک مرٹس
جون
اردنی شہری کی شہادت طلبانہ کاروئی نے کیسے صیہونیوں کو لرزہ بر اندام کر دیا ہے؟
?️ 11 ستمبر 2024سچ خبریں: اردنی شہری کی صہیونی مخالف کارروائی کی اہمیت اور حزب اللہ
ستمبر