پنجاب وزیر اعلی کی اپوزیشن پر شدید تنقید

?️ 12 اکتوبر 2021

لاہور (سچ خبریں) وزیر اعلی پنجاب سردار عثمان بزدار  نے اپوزیشن کو شدید تنقید کا نشانہ بناتے ہوئے کہا ہے کہ اپوزیشن نے پاکستان کے مفادات کو داؤ پر لگانے میں کوئی کسر نہیں چھوڑی۔ پی ڈی ایم کے عاقبت نااندیش عناصر نازک حالات میں بھی اپنی منفی سیاست کو پروان چڑھا رہے ہیں۔

وزیر اعلیٰ پنجاب سردار عثمان بزدار سے رکن قومی اسمبلی محمدثناء اللہ مستی خیل  نے ایوان وزیر اعلی میں ملاقات کی، وزیر اعلی کا کہنا تھا کہ منتخب نمائندوں کی ترجیحات کے مطابق ان کے حلقوں میں ترقیاتی کام شروع ہو چکے ہیں۔ عوامی خدمات کے حوالے سے انہوں  نے گفتگو کرتے ہوئے کہا عوام کی خدمت ہی میرا مشن ہے- عوام انتشار نہیں بلکہ ترقی اور خوشحالی چاہتے ہیں۔

واضح رہے کہ عثمان بزدار  نے کہا کہ پی ڈی ایم کا غیر فطری اتحاد ملکی مفادات کو نظر انداز کئے ہوئے ہے- اپوزیشن نے پاکستان کے مفادات کو داؤ پر لگانے میں کوئی کسر نہیں چھوڑی۔ منفی سیاست کرنے والوں کی ساکھ عوام میں ختم ہوچکی ہے۔ثناء اللہ مستی خیل نے وزیر اعلی کو حلقے کے مسائل سے آگاہ کیا، وزیر اعلیٰ نے مسائل جلد حل کرانے کی یقین دہانی کرائی اور کہا کہ مسائل کو جلد حل کرنے کی کوشش کی جائے گی۔