پنجاب بھر میں دفعہ 144 میں یکم نومبر تک توسیع کی منظوری

?️ 24 اکتوبر 2025

اسلام آباد (سچ خبریں) پنجاب بھر میں دفعہ 144 (section 144) میں یکم نومبر تک مزید توسیع کی منظوری دے دی گئی۔

محکمہ داخلہ پنجاب میں کابینہ کمیٹی برائے امن و امان کا اجلاس ہوا، صوبائی وزیر و چیئرمین کابینہ کمیٹی برائے امن و امان خواجہ سلمان رفیق نے صدارت کی۔

اجلاس میں امن و امان کی صورتحال، غیر قانونی مقیم افغان باشندوں کے انخلا کے اقدامات کا جائزہ لیا گیا، محکمہ داخلہ اور قانون نافذ کرنے والے اداروں نے اجلاس کو بریفنگ دی۔

کابینہ کمیٹی نے امن و عامہ کی فضاء کو یقینی بنانے کی ہدایت کی، اس موقع پر خواجہ سلمان رفیق نے کہا کہ پنجاب بھر میں امن و امان کی صورتحال قابو میں ہے۔ اسلام امن کا دین ہے،انتہا پسندی کی کسی صورت اجازت نہیں۔

یاد رہے 18 اکتوبر کو بھی دفعہ 144 میں توسیع کی گئی تھی۔