پنجاب اسمبلی میں وزیراعظم کے خلاف آرٹیکل 6 کے تحت کارروائی کی قرارداد منظور

?️

لاہور: (سچ خبریں) پنجاب اسمبلی میں وزیراعظم شہباز شریف کے خلاف آرٹیکل 6 کے تحت کارروائی کی قرارداد کثرت رائے سے منظور کرلی گئی، قرارداد میں بتایا گیا کہ شہباز شریف آرمی چیف کی تقرری کے معاملے پر نواز شریف سے مشاورت پر آرٹیکل 6 کی خلاف ورزی کے مرتکب ہو رہے ہیں۔

میڈیا رپورٹس  کے مطابق قرارداد صوبائی وزیر پارلیمانی امور راجہ بشارت نے پیش کی، قرارداد میں میڈیا رپورٹس کا حوالے دیتے ہوئے بتایا گیا کہ وزیراعظم نواز شریف لندن میں مفرور زندگی بسر کررہے ہیں، انہوں نے حساس قومی معاملات بشمول آرمی چیف کی تقررری پر مشاورت کی۔

پنجاب اسمبلی میں منظور قرارداد میں کہا گیا کہ وزیراعظم کے حلف نامے کے مطابق آئین حساس قومی معاملات پر وزیراعظم کو غیر متعلقہ شخص سے مشاورت کرنے سے روکتا ہے۔

قراداد میں بتایا گیا کہ وزیراعظم شہباز شریف خود کئی مقدمات میں ملزم ہیں، امپورٹڈ حکومت نے آئینی شق کی خلاف ورزی کی ہے، لہذا وزیراعظم کے خلاف آرٹیکل 5 اور 6 کے تحت کارروائی کی جائے۔

صوبائی وزیرراجہ بشارت نے اسمبلی میں وزیراعظم کا آئینی حلف نامہ پڑھ کر سنایا، انہوں نے اعلان کیا کہ قرارداد کے علاوہ شہباز شریف کے خلاف آرٹیکل 5 اور 6 کے تحت کارروائی شروع کرنے کے اقدامات کیے جائیں۔

انہوں نے حیرت کا اظہار کرتے ہوئے کہا کہ وزیراعظم کی ملاقات لندن فلیٹ میں ایک مفرور شخص سے ہوئی جس کا ذکر پانامہ اسکینڈل میں تھا اور جائیداد کیس میں ان کے خلاف مقدمہ بھی درج کیا گیا تھا۔

ایوان نے پاکستان تحریک انصاف کے چیئرمین عمران خان کے خلاف نفرت انگیز تقریر کرنے پر مسلم لیگ (ن) کے ایم این ایز جاوید لطیف اور مریم اورنگزیب کے خلاف ایک اور قرارداد منظور کرلی، جب کہ سرکاری ٹی وی کے منیجنگ ڈائریکٹر پر تقریر نشر کرنے کا الزام عائد کیا گیا۔

قرارداد پیش کرنے والے وزیرداخلہ ہاشم ڈوگر نے کہا کہ ایوان ملک میں مذہب کارڈ کے استعمال کی شدید مذمت کرتا ہے، قرارداد میں کہا گیا کہ اگر عمران خان کو کوئی نقصان ہوا تو مسلم لیگ (ن) کے رہنما جاوید لطیف ، مریم اورنگزیب اور پاکستان ٹیلی ویژن کے مینیجنگ ڈائریکٹر ذمہ دار ہوں گے۔

تاہم قرارداد پیش کرنے کے دوران ایوان میں حکومتی ارکان اور اپوزیشن ارکان نے ایک دوسرے کے خلاف ‘شرم کرو’ کے نعرے لگائے۔

دریں اثنا، اسپیکر سبطین خان نے ایوان کے 2 الگ الگ بجٹ اجلاس منعقد کرنے کے لیے 2 رکنی کمیٹی تشکیل دی۔

ایک اجلاس اُس وقت کے اسپیکر پرویز الٰہی نے اسمبلی کی عمارت میں منعقد ہوا جبکہ دوسرا اجلاس اُس وقت کے وزیر اعلیٰ حمزہ شہباز نے جون اور جولائی کے مہینےمیں قریبی سرکاری عمارت میں ہوا۔

کمیٹی میں راجہ بشارت اور مسلم لیگ ن کے چیف وہپ خلیل طاہر سندھو شامل ہیں۔

مشہور خبریں۔

ایران نے اپنے پڑوسی ممالک کے لیئے اہم پیغام جاری کردیا

?️ 15 جون 2021تہران (سچ خبریں)  ایران نے اپنے پڑوسی ممالکے لیئے اہم پیغام جاری

صیہونیوں پر حزب اللہ کے پوائنٹ ٹو پوائنٹ مار کرنے والے میزائلوں کا خوف

?️ 28 فروری 2021سچ خبریں:حزب اللہ کے پوائنٹ پر مار کرنے والے میزائلوں نے صہیونی

ایران کی جوہری تنصیبات پر حملے کی مزید بات ختم: واشنگٹن پوسٹ

?️ 4 فروری 2025سچ خبریں: امریکی صدر ڈونلڈ ٹرمپ اور اسرائیلی وزیر اعظم بنجمن نیتن

صدی کے سب سے بڑے جھوٹ کی برسی

?️ 6 فروری 2023سچ خبریں:تاریخ کا جائزہ لینے سے پتہ چلتا کہ 5 فروری 2023

کھیلوں کے ایک اور مشہور یورپی برینڈ کا صیہونی فٹ بال فیڈریشن کے ساتھ معاہدہ منسوخ 

?️ 20 فروری 2025 سچ خبریں:کھیلوں کی تیسری یورپی کمپنی کا صیہونی فٹ بال فیڈریشن

یورپی کمیشن ہیروشیما کے بارے میں کیوں نہیں کچھ بولتا؟

?️ 23 ستمبر 2023سچ خبریں: روسی وزارت خارجہ کے ترجمان نے ہیروشیما کے معاملے میں

اسرائیل اور امریکہ کے درمیان اختلافات کو حل ہونا چاہیے: گیلنٹ

?️ 25 جون 2024سچ خبریں: اسرائیلی وزیر جنگ یوو گیلنٹ نے امریکی وزیر خارجہ انتھونی

آئی ایم ایف سے ایک ارب 10 کروڑ ڈالر کی قسط کیلئے سخت مالیاتی اقدامات کا نفاذ ضروری

?️ 5 مارچ 2025اسلام آباد: (سچ خبریں) آئی ایم ایف سے اگلے ایک ارب 10

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے