SachKhabrain
  • تازہ ترین
  • پاکستان
  • کشمیر
  • دنیا
  • آج کے کالمز
  • سائنس اور ٹیکنالوجی
  • انٹرٹینمنٹ
  • ویڈیوز
  • en
کو ئی نتیجہ نہیں
تمام نتائج دیکھیں
  • تازہ ترین
  • پاکستان
  • کشمیر
  • دنیا
  • آج کے کالمز
  • سائنس اور ٹیکنالوجی
  • انٹرٹینمنٹ
  • ویڈیوز
  • en
کو ئی نتیجہ نہیں
تمام نتائج دیکھیں
SachKhabrain
کو ئی نتیجہ نہیں
تمام نتائج دیکھیں
اصلی صفحہ پاکستان

پاکستان میں کورونا وائرس کی تازہ ترین صورتحال

جولائی 4, 2022
اندر پاکستان
پاکستان میں کورونا وائرس کی تازہ ترین صورتحال
0
تقسیم
58
آراء
Share on FacebookShare on Twitter

اسلام آباد:(سچ خبریں) عید الاضحیٰ سے چند دن قبل ہی پاکستان میں ایک دن میں عالمی وبا کورونا وائرس کے 675 نئے کیسز ریکارڈ ہوئے ہیں جبکہ وائرس سے متاثر ہونے والوں کی قومی شرح 4.61 فیصد تک پہنچ گئی ہے۔

قومی ادارہ برائے صحت کے اعداد و شمار سے ظاہر ہوتا ہے کہ گزشتہ 24 گھنٹوں کے دوران کورونا وائرس سے 2 شہری جاں بحق ہوئے جبکہ اسی دوران 14 ہزار 632 ٹیسٹ کیے گئے اور ٹیسٹ مثبت آنے والے 153 مریضوں کی صورت حال تشویش ناک ہے۔

وفاقی وزیر صحت عبدالقادر پٹیل نے آج میڈیا بریفنگ کے دوران نشان دہی کرتے ہوئے کہا کہ گزشتہ 2 دنوں میں ہسپتالوں میں کورونا وائرس کے مریضوں کی بڑھتی ہوئی تعداد اور مثبت شرح پر حکومت فکرمند ہے۔

ان کا کہنا تھا کہ ملک میں کورونا وائرس سے ہونے والی اموات کی شرح 1.5فیصد ہے جبکہ وینٹی لیٹر پر موجود مریضوں کی شرح 5 فیصد ہے۔

انہوں نے کہا کہ زیادہ تر افراد کورونا وائرس کے نئی قسم اومیکرون سب ویریئنٹ سے متاثر ہوئے ہیں جس کی پھیلنے کی شرح تیز ہے۔

عبدالقادر پٹیل نے کہا کہ نیشنل کمانڈ اینڈ آپریشن سینٹر (این سی او سی) کورونا وائرس کے کیسز پر چوکس ہو کر ان کی نشان دہی کر رہا ہے اور ہم ہر قسم کی حالت کا سامنا کرنے کے لیے تیار ہیں۔

انہوں نے کہا کہ تمام صوبوں کو آئسولیشن مراکز تیار کرنے کی ہدایت کی گئی ہے جبکہ نیشنل ڈیزاسٹر مینجمنٹ اتھارٹی (این ڈی ایم اے) بھی مذکورہ سرگرمیوں میں مصروف ہے۔

ان کا کہنا تھا کہ حکومت خاص طور پر کراچی اور دیگر بڑے شہروں میں وسیع پیمانے پر عوام کی کورونا ٹیسٹ کرنے کا سوچ رہی ہے، کراچی میں کورونا وائرس کی شرح پر بات کرتے ہوئے انہوں نے کہا کہ گزشتہ چند دنوں میں کراچی میں کورونا وائرس کی مثبت شرح کم ہوئی ہے اور اسمارٹ لاک ڈاؤن نافذ کرنے کے لیے یہ درست وقت نہیں ہے۔

وفاقی وزیر صحت نے کہا کہ ہم نے دیکھا ہے کہ تاحال لوگوں میں اس حوالے سے آگاہی کی کمی ہے۔

انہوں نے کہا کہ دو مذہبی تہوار عیدالاضحیٰ اور محرم آنے والے ہیں جن کے دوران کورونا کیسز کی شرح میں اضافے کا امکان ہے، انہوں نے عوام سے کہا کہ عید کی چھٹیوں کے دوران گھروں رہیں۔

قبل ازیں، حکومت نے تمام قریبی مقامات پر ماسک کا استعمال لازمی قرار دیا ہے اور عوام سے گزارش کی ہے کہ ایسے تہوار کے دوران ایک دوسرے کے گلے ملنے اور ہاتھ ملانے سے گریز کریں، دوسری جانب سول ایوی ایشن اتھارٹی (سی اے اے) نے بھی مقامی پروازوں میں سفر کرنے والے مسافروں کے لیے ماسک پہننا لازمی قرار دیا ہے۔

دوسری جانب حکومتی عہدیداروں نے کورونا وائرس سے متاثرین کے اعداد و شمار میں ہیرا پھیری کرنے کے لیے ٹیسٹ کے عمل میں تاخیر کا الزام عائد کیا ہے، ان کا ماننا ہے کہ عوام ناور صحت کے حکام دونوں نے ایک بار پھر کورونا وائرس کے بڑھتے کیسز پر لاپرواہی کا مظاہرہ کرنا شروع کر دیا ہے۔

کورونا وائرس پر سائنٹفک ٹاسک فورس کے رکن اور یونیورسٹی آف ہیلتھ سائنسز کے وائس چانسلر ڈاکٹر جاوید اکرم نے ڈان کو بتایا کہ بدقسمتی یہ ہے کہ ہم وائرس کے ٹیسٹ سے زیادہ مثبت شرح پر زور دے رہے ہیں۔

انہوں نے کہا کہ نمونے لینے کے مختلف طریقوں کے مطابق ابتدائی طور پر ہر چوتھے یا پانچویں گھر اور دکان کو ڈیٹا میں شامل کیا جائے اور پھر وہاں موجود تمام لوگوں کا ٹیسٹ کیا جائے۔

ڈاکٹر جاوید اکرم نے کہا کہ کورونا وائرس کے ٹیسٹ کے لیے نمونے کا سائز مثبت شرح کے بجائے ایک الگ اہمیت رکھتا ہے، ہمیں یہ نہیں بھولنا چاہیے کہ 30 فیصد لوگوں میں کبھی علامات ظاہر نہیں ہوئیں کیونکہ ان میں غیر علامتی کورونا وائرس ہوتا ہے اسی طرح وہ وائرس پھیلاتے رہتے ہیں۔

انہوں نے کہا کہ ہمیں یہ سمجھنے کی ضرورت ہے کہ جہاں وقت گزرنے کے ساتھ ساتھ کورونا وائرس کم ہوتا جا رہا ہے وہاں اس کی منتقلی میں بھی اضافہ ہوا ہے، اس لیے اب ہم بڑے پیمانے پر ٹیسٹ کروا کر ہی وائرس پر قابو پا سکتے ہیں۔

یونیورسٹی آف ہیلتھ سائنسز کے وائس چانسلر نے مزید کہا کہ میڈیا نے بھی کورونا وائرس کو اہمیت دینا چھوڑ دیا ہے۔

دریں اثنا صحت کے قومی ادارے کے ایک افسر نے نام ظاہر نہ کرنے کی درخواست کرتے ہوئے کہا کہ کورونا کیسز کی تعداد ہر پانچ دن میں دوگنا ہو رہی ہے، ہسپتالوں میں داخل ہونے والوں میں اضافہ ہونا شروع ہو گیا ہے اور اموات بھی دوبارہ سامنے آنا شروع ہو گئی ہیں۔

ادارہ صحت کے عہدیدار نے کہا کہ اس پس منظر میں یہ تشویش ناک امر ہے کہ کراچی، اسلام آباد اور لاہور سے باہر کورونا کی ٹیسٹ میں بار بار تیزی کے باوجود بہتری کے کوئی آثار نظر نہیں آتے۔

انہوں نے کہا کہ این سی او سی کو بند کرنا ایک بڑی غلطی تھی کیونکہ 2020 کی شروعات میں جیسے ہی کورونا وائرس کے متاثریں کے اعداد و شمار میں کمی آنے لگی تو گزشتہ حکومت نے اس ادارے کو بند کردیا جو کورونا وائرس پر ملک کے ردعمل کی نگرانی کر رہا تھا۔

Short Link
Copied
ٹیگز: این سی او سیعالمی وباعبدالقادر پٹیلعید الاضحیکورونا وائرسوینٹی لیٹر

متعلقہ پوسٹس

الیکشن کمیشن نے اعظم سواتی سمیت7 ارکان اسمبلی کی رکنیت بحال کردی
پاکستان

الیکشن کمیشن نے اعظم سواتی سمیت7 ارکان اسمبلی کی رکنیت بحال کردی

فروری 6, 2023
حکومت عمران خان کو تنہا نہیں کر سکتی پوری قوم ساتھ کھڑی ہے،شہزاد وسیم
پاکستان

حکومت عمران خان کو تنہا نہیں کر سکتی پوری قوم ساتھ کھڑی ہے،شہزاد وسیم

فروری 6, 2023
وفاقی حکومت کا آئی جی خیبرپختونخوا کو تبدیل کرنے کا فیصلہ
پاکستان

وفاقی حکومت کا آئی جی خیبرپختونخوا کو تبدیل کرنے کا فیصلہ

فروری 6, 2023

فلسطینی مسئلہ میں امریکی سفارت کاری کی موت

فلسطینی
فروری 6, 2023
0

سچ خبریں:امریکی وزیر خارجہ انتھونی بلنکن کے مقبوضہ علاقوں کے حالیہ دورے کا حوالہ دیتے ہوئے ایک امریکی اشاعت نے...

مزید پڑھیں

کویتی عوام کا فلسطینی عوام کے ساتھ یکجہتی کا اعلان

فلسطینی عوام
فروری 6, 2023
0

سچ خبریں:پارلیمنٹ کے اراکین، کارکنان اور کویتی سیاسی جماعتوں کے نمائندوں کا ایک گروپ الإراده اسکوائر میں جمع ہوا اور...

مزید پڑھیں

چینی غبارے کا مشن؛ موسمیات یا جاسوسی؟

چینی غبارے
فروری 6, 2023
0

سچ خبریں:فاکس نیوز کو انٹرویو دیتے ہوئے سی آئی اے کے ایک سابق اعلیٰ اہلکار نے کہا کہ ہمیں کچھ...

مزید پڑھیں

میں نیتن یاہو کو مار ڈالوں گا: صیہونی پائلٹ

صیہونی پائلٹ
فروری 6, 2023
0

سچ خبریں:صیہونی حکومت کے پائلٹ زئیف راز جنہوں نے 1981 میں عراقی جوہری تنصیبات پر اس حکومت کے حملے میں...

مزید پڑھیں
SachKhabrain

  • تازہ ترین
  • پاکستان
  • کشمیر
  • دنیا
  • آج کے کالمز
  • سائنس اور ٹیکنالوجی
  • انٹرٹینمنٹ
  • ویڈیوز
  • en

Follow Us

کو ئی نتیجہ نہیں
تمام نتائج دیکھیں
  • Contact
  • Home
  • Home
  • Home 2
  • Home 3

Are you sure want to unlock this post?
Unlock left : 0
Are you sure want to cancel subscription?