وفاق اور صوبائی حکومت ملکر متاثرہ علاقوں میں کام کریں۔ فیصل کریم کنڈی

?️ 15 اگست 2025

پشاور (سچ خبریں) گورنر خیبرپختونخوا فیصل کریم کنڈی نے تجویز دیتے ہوئے کہا ہے کہ یہ وقت سیاست کا نہیں، وفاق اور صوبائی حکومت متاثرہ علاقوں میں مل کر کام کرنا ہے۔

تفصیلات کے مطابق میڈیا سے گفتگو کرتے ہوئے فیصل کریم کنڈی کا کہنا تھا کہ کلاؤڈ برسٹ کی وجہ سے مختلف مقامات پر سیلابی صورتحال پیدا ہوئی، بارشوں اور سیلابی صورتحال سے موبائل ٹاورز کو بھی نقصان پہنچا ہے۔

ذرائع کے مطابق انہوں نے کہا کہ مواصلات کا نظام بری طرح متاثر ہے، ہمیں ایک دوسرے کو سپورٹ کر کے متاثرین کی جانیں بچانی ہیں۔

گورنر خیبرپختونخوا کا مزید کہنا تھا کہ بیرسٹر گوہر کی بات سے اتفاق کرتا ہوں، وفاقی حکومت صوبائی حکومت کے شانہ بشانہ ہے۔