وفاقی وزیر خزانہ کا جون تک پانڈا بانڈز جاری کرنے کا اعلان

?️

اسلام آباد: (سچ خبریں) وفاقی وزیر خزانہ محمد اورنگزیب نے رواں برس جون تک پانڈا بانڈز جاری کرنے کا اعلان کرتے ہوئے چینی سرمایہ کاروں سے تقریباً 200 ملین امریکی ڈالر جمع کرنے کی خواہش ظاہرکردی۔

غیرملکی ٹی وی کو ایک انٹرویو میں انہوں نے بتایا کہ پاکستان پانڈا بانڈز کے ذریعے چین کی کیپیٹل مارکیٹس میں شمولیت اختیار کرنے کا ارادہ رکھتا ہے، پانڈا بانڈ کے اجراء کے ذریعے پاکستان کو چینی سرمایہ کاروں سے تقریباً 200 ملین امریکی ڈالر جمع ہونے کی توقع ہے۔

انہوں نے کہا کہ حکومت پاکستان کی توجہ معیشت کو برآمدات پر مبنی ترقی کی طرف منتقل کرنے پر مرکوز کر رہی ہے تاکہ ادائیگیوں کے توازن میں پائیداری حاصل کی جائے، سی پیک کا دوسرا مرحلہ مزید چینی کمپنیوں اور سرمایہ کاری کو راغب کرے گا، ہانگ کانگ کے ساتھ مالیاتی تعاون کو بڑھانے کے لیے پرعزم ہیں، ہانگ کانگ کو پاکستان میں تجارتی اور مالیاتی مواقع کا جائزہ لینے کے لیے وفود بھیجنے کی دعوت دیتے ہیں کیوں کہ ہانگ کانگ چینی اور پاکستانی کمپنیوں کے درمیان مشترکہ منصوبوں کے لیے ایک موزوں مقام ثابت ہو سکتا ہے۔

علاوہ ازیں وفاقی وزیر خزانہ و محصولات سینیٹر محمد اور نگزیب کی زیر صدارت وفاقی حکومت کی رائٹ سائزنگ سے متعلق کمیٹی کا اجلاس ہوا، جس میں وفاقی وزیر مواصلات عبدالعلیم خان، اراکین قومی اسمبلی و متعلقہ وزارتوں اور ڈویژنوں کے وفاقی سیکرٹریز نے شرکت کی، اجلاس کے آغاز میں وزیر خزانہ نے 43 وزارتوں کا جائزہ لینے سے متعلق مشق کے پہلے تین مراحل کی کا میابی کیلئے وزارتوں اور ان کے انچارج وزراء کی طرف سے اپنائے گئے طریقہ کار اور کارکردگی کی تعریف کی۔

محمد اورنگزیب نے کہا کہ جاری مالی سال کے اختتام تک 43 وزارتوں اور ان سے منسلک 400 اداروں کی رائٹ سائزنگ کی جا رہی ہے، ذیلی کمیٹی مرکزی کمیٹی کے فیصلوں اور وفاقی کابینہ کی توثیق پر عمل درآمد کا جائزہ لے گی اور ان کیلئے فالو اپ کرے گی، مرکزی کمیٹی صرف ضروری معاملات میں مداخلت کرے گی، چوتھے مرحلے میں پانچ وزارتوں وزارت مواصلات، وزارت ریلوے، وزارت تخفیف غربت و سماجی تحفظ، ریونیو ڈویژن،پٹرولیم ڈویژن اور ان سے منسلک محکموں کی رائٹ سائزنگ کا تعین کیا جائے گا۔

مشہور خبریں۔

پی ٹی آئی کا قومی اسمبلی میں قائد حزب اختلاف کی فوری تبدیلی کیلئے اسپیکر سے مطالبہ

?️ 21 فروری 2023اسلام آباد: (سچ خبریں) پی ٹی آئی  نے اسپیکر قومی اسمبلی سے

ایران کے خلاف جارحیت میں اسرائیل کے مالی نقصان کی نئی جہتیں سامنے آ گئیں

?️ 26 جون 2025سچ خبریں: صیہونی حکومت کی فوج کے شعبہ اقتصادی امور کے سابق

یوکرائن میں جو بھی ہورہا ہے اس کا ذمہ دار امریکہ ہے:سید حسن نصراللہ

?️ 2 مارچ 2022سچ خبریں:سید حسن نصراللہ نے بیروت میں ایک تقریر کے دوران کہا

کردستان میں امریکی موجودگی سے عراق کی سلامتی کو خطرہ

?️ 14 مارچ 2022سچ خبریں:عراق کے ایک سکیورٹی ماہر نے عراق میں دہشت گردوں کی

غزہ کی تعمیر نو کے لیے 50 سے 80 ارب ڈالر درکار، مدت 16 سے 80 سال تک متوقع

?️ 11 اکتوبر 2025غزہ کی تعمیر نو کے لیے 50 سے 80 ارب ڈالر درکار،

تم فلسطینیوں کو قتل کرتے جاؤ میں تمہیں کچھ نہیں ہونے دوں گا:انتہاپسند صیہونی وزیر

?️ 30 نومبر 2025سچ خبریں:صیہونی وزیر داخلہ ایتمار بن گویر نے صہیونیوں کو یقین دہانی

پی آئی اے کی پرواز حادثے سے بال بال  بچ گئی

?️ 10 اکتوبر 2021کراچی (سچ خبریں) شارجہ سے کراچی آنے والی قومی ایئرلائن(پی آئی اے)

مالی بحران اور بجٹ میں کمی؛صہیونی فوج کے ریزرو دستے کم ہونے کا انکشاف

?️ 1 جنوری 2026سچ خبریں:صہیونی فوج نے بجٹ کی کمی کے باعث ریزرو فوجیوں کی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے