وزیر خارجہ شاہ محمود قریشی اور روس کے وزیر خارجہ کے درمیان ٹیلیفونک رابطہ،روس یوکراین تنازعہ پر گفتگو

?️

اسلام آباد(سچ خبریں)پاکستانی وزیرخارجہ  نے اپنے روسی ہم منصب سے ٹیلی فون پر رابطہ کرکے یوکرین کے ساتھ کشیدگی میں اقوام متحدہ کے بنیادی اصولوں کے مطابق کمی لانے کی ضرورت پر زور دیا۔دفترخارجہ کے ترجمان عاصم افتخار کے مطابق وزیر خارجہ شاہ محمود قریشی اور روس کے وزیر خارجہ کا ٹیلی فونک رابطہ ہوا ہے۔

بیان میں کہا گیا کہ دونوں وزرائے خارجہ کے درمیان دوران گفتگو دو طرفہ تعلقات اور علاقائی صورت حال پر تبادلہ خیال کیا گیا اور وزیر اعظم عمران خان کے حالیہ دورےکا حوالہ دیتے ہوئے دو طرفہ ایجنڈے اور افغانستان سمیت خطے کے اہم موضوعات پر تفصیلی تبادلہ خیال کیا گیا۔

دفترخارجہ کے مطابق سرگئی لاوروف نےگزشتہ روز پشاور میں ہونے والے دہشت گردی کے واقعے میں قیمتی انسانی جانوں کے ضیاع پر گہرے رنج اور افسوس کا اظہار کرتے ہوئے روس کی طرف سے ہر قسم کی دہشت گردی کی مذمت کی۔

ترجمان دفترخارجہ نے بتایا کہ دونوں وزرائے خارجہ کا افغانستان میں امن اور استحکام کے مشترکہ اہداف کے لیے مل کر کام جاری رکھنے پر اتفاق کیا۔

انہوں نے کہا کہ وزیر خارجہ نے یوکرین کی صورت حال پر پاکستان کی تشویش کا حوالہ دیتے ہوئے اقوام متحدہ کے چارٹر کے بنیادی اصولوں کے مطابق کشیدگی میں کمی لانے کی ضرورت پر زور دیا۔

وزیر خارجہ نے کثیر الجہتی معاہدوں، بین الاقوامی قانون کے مطابق اور اقوام متحدہ کے چارٹر کے تحت تنازع کے سفارتی تصفیے کی ضرورت پر زور دیا۔

یوکرین کے ساتھ کشیدگی کے حوالے سے شاہ محمود قریشی نے تنازع کے پر امن حل کے لیےیوکرین، پولینڈ، رومانیہ اور ہنگری کے وزرائے خارجہ اور یورپی یونین کے اعلیٰ نمائندے برائے خارجہ امور کے ساتھ ہونے ہونے والے حالیہ ٹیلیفونک رابطوں سے بھی روسی ہم منصب کو آگاہ کیا۔

شاہ محمود قریشی نے کہا کہ توقع ہے کہ روس اور یوکرین کے درمیان شروع ہونے والے مذاکرات سفارتی حل تلاش کرنے میں کامیابی سے ہمکنار ہوں گے۔

اس موقع پر روسی وزیر خارجہ نے وزیر خارجہ شاہ محمود قریشی کو صورت حال پر روس کے نکتہ نظر سے آگاہ کیا۔

بیان میں کہا گیا کہ شاہ محمود قریشی نے کہا کہ یوکرین سے پاکستانی شہریوں کی محفوظ اور جلد واپسی حکومت کی اولین ترجیح ہے اور اس ضمن میں روسی حکومت سے مدد اور سہولت فراہم کرنے کی درخواست کی۔دفترخارجہ کے مطابق روسی وزیر خارجہ نے پاکستانی شہریوں کے محفوظ انخلا کے حوالے سے مکمل تعاون کا یقین دلایا۔

بیان میں کہا گیا کہ دونوں وزرائے خارجہ نے ابھرتی ہوئی صورت حال پر رابطے جاری رکھنے پر اتفاق کیا۔

مشہور خبریں۔

غزہ کے بارے میں نیتن یاہو کا ایک اور جھوٹا دعوی

?️ 11 جنوری 2024سچ خبریں: صیہونی وزیر اعظم نے غزہ کی پٹی میں جنگ کے

اپنی زندگی اور شخصیت کے چھپے ہوئے پہلو سے جلد پردہ اٹھاؤں گی، حمائمہ ملک کا اعلان

?️ 10 جون 2023کراچی: (سچ خبریں) نامور اداکارہ حمائمہ ملک نے اعلان کیا ہے کہ

اسرائیل کی جانب سے اقوام متحدہ کی گاڑی پر فائرنگ ؛ وجہ ؟

?️ 30 اگست 2024سچ خبریں: صیہونی حکومت کے سب سے بڑے حامی کی حیثیت سے امریکہ

Uber’s Turbulent Week: Kalanick Out, New Twist In Google Lawsuit

?️ 31 جولائی 2021Dropcap the popularization of the “ideal measure” has led to advice such

لینڈ سلائیڈنگ کے باعث گلگت اور راولپنڈی کے درمیان زمینی رابطہ منقطع

?️ 7 جنوری 2022گلگت (سچ خبریں)  قراقرم ہائی وے پر ہونے والی لینڈ سلائیڈنگ کے

لبنان میں امریکی نئی سفیر کون ہے؟

?️ 26 فروری 2023سچ خبریں:لبنان میں امریکہ کے ہاتھوں تین سال تک کشیدگی کو ہوا

نگران سیٹ کے کیلئے وزیرِ اعظم کی اتحادی جماعتوں سے مشاورت

?️ 18 جولائی 2023اسلام آباد:(سچ خبریں) وزیر اعظم شہباز شریف نے آئندہ عام انتخابات رواں

فلسطینیوں کا اتنا قتل عام کرکے صیہونیوں کو کیا ملا ؟

?️ 9 جنوری 2024سچ خبریں: فلسطین کی اسلامی مزاحمتی تحریک حماس کے سیاسی دفتر کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے