وزیر اعظم ایک بار پھربراہ راست عوام کے سوالات کے جوابات دیں گے

?️ 25 اگست 2021

اسلام آباد (سچ خبریں) وزیراعظم عمران خان ایک بار پھراتوار کو عوام کے سوالات کا براہ راست جواب دینے کے لئے تیار ہیں اس حوالے سے ذرائع کے مطابق  آپ کا وزیراعظم آپ کے ساتھ پروگرام اتوار کوبراہ راست نشر کیا جائے گا، رواں ماہ کے آغاز میں بھی یہ پروگرام منعقد ہوا تھا۔

تفصیلات کے مطابق معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر اپنے پیغام میں کہا کہ انشاللہ اس اتوار وزیراعظم ایک بار پھر آپ سے براہ راست بات کریں گے، آپ کا وزیراعظم آپ کے ساتھ پروگرام اتوار کوبراہ راست نشر کیا جائے گا۔

یاد رہے رواں ماہ کے آغٖاز میں وزیراعظم عمران خان نے عوام کے سوالات کے جواب دیئے تھے ،لاک ڈاؤن کے حوالے سے ان کا کہنا تھا کہ ملک میں کسی بھی قیمت پر لاک ڈاؤن نہیں لگائیں گے کیونکہ اس سے معیشت تباہ ہو جائے گی ، لاک ڈاؤن کے بعد بھارتی حکومت کو کتنی قیمت ادا کرنا پڑی اور اس سے ان کی معیشت ڈوب گئی۔

آپ کا وزیراعظم آپ کے ساتھ” کے لائیو سیشن میں وزیراعظم نے اسلام آباد میں سفاکانہ طریقے سے قتل کی جانے والی نور مقدم کیس اور افغان سفیر کی بیٹی کے مبینہ اغوا سے متعلق کھل کر گفتگو کی تھی۔

وزیراعظم عمران خان کا کہنا تھا کہ نور مقدم کیس کو پہلے دن سے دیکھ رہا ہوں یہ خوفناک کیس ہے،کیس کی مکمل تفصیل حاصل کرچکا، میں یہ واضح کردوں کہ اگر ملزم بڑے خاندان سے ہے تو بچ جائیگا ایسا نہیں ہوگا، اگر کوئی یہ سمجھتا ہے دہری شہریت کا حامل ہے بچ جائیگا توایسا نہیں ہوگا۔