موسمیاتی تبدیلی کے شعبہ میں متحدہ عرب امارات کا پاکستان کے ساتھ معاہدہ

?️ 9 نومبر 2021

گلاسکو (سچ خبریں) موسمیاتی تبدیلی کے شعبے میں دنیا بھر پاکستان کی حکمت عملی کی تعریف کی جارہی ہے اسی دوران   متحدہ عرب امارات نے بھی موسمیاتی تبدیلیوں سے نمٹنے کے لیے پاکستان کے ساتھ معاہدہ کرلیا ، معاہدے کے تحت لاکھوں پاکستانی متحدہ عرب امارات میں درخت لگائیں گے۔

تفصیلات کے مطابق موسمیاتی تبدیلی کے شعبہ میں پاکستان دنیا بھرکیلئے قابل تقلیدملک بن گیا ، گلاسگو سربراہی کانفرنس میں پاکستان کی کامیابیوں کا سلسلہ جاری ہے۔متحدہ عرب امارات نے وزیراعظم عمران خان کے گرین وژن کا معترف ہوتے ہوئے معاہدہ کرلیا ، جس کے بعد متحدہ عرب امارات بھی پاکستان کا گرین پارٹنربن گیا ہے جبکہ امریکا، جرمنی، برطانیہ اورسعودی عرب بھی پاکستان کے پارٹنربن چکے ہیں۔

متحدہ عرب امارات کےوزیرموسمیاتی تبدیلی نے پاکستان کے ساتھ معاہدہ کیا ، ملک امین اسلم اوراماراتی وزیرمریم المحیری نے معاہدے پر دستخط کئے۔دونوں ممالک جلدموسمیاتی تبدیلی کامشترکہ ورکنگ گروپ بنائیں گے ، یواےای10 بلین ٹری سونامی طرز کے منصوبے میں پاکستان کی معاونت لے گا۔

متبادل توانائی،پروٹیکٹڈایریاانیشیٹومیں پاکستان کے ماڈل یو اے ای شروع کرے گا، معاہدےکےتحت لاکھوں پاکستانی متحدہ عرب امارات میں درخت لگائیں گے۔امارات پاکستان معاہدے کے تحت بڑی سرمایہ کاری کے راستے بھی کھل گئے، اماراتی وزیر نے کہا وزیراعظم نےبلین ٹری منصوبہ شروع کرکے دنیا کو نیا راستہ دکھایا۔مشیر ملک امین اسلم کا کہنا تھا کہ پاکستان سمیت پوری دنیا کو موسمیاتی خطرات کا سامنا ہے، وزیراعظم کا ماحولیاتی اثرات سے بچانے کا وژن دنیا کو فائدہ دے گا۔