ملک میں کورونا کی صورت حال سنگین ہونے کا خطرہ

?️ 25 جولائی 2021

اسلام آباد(سچ خبریں) ملک بھر میں کورونا کی صورتحال سنگین ہو رہی ہے ، ملک کے بڑے شہروں میں کورونا کیسز کی یومیہ شرح میں اضافہ ریکارڈ کیا گیا ہے جس کے بعد حکومتی عہدیداروں نے تشویش کا اظہار کیا ہے، کورونا کی یومیہ بلند ترین20.72فیصد شرح کراچی میں ریکارڈ کی گئ۔

ذرایع کے مطابق 6اضلاع میں کورونا کی یومیہ شرح10فیصد سے تجاوز کرگئی، کورونا کی یومیہ بلند ترین20.72فیصد شرح کراچی میں ریکارڈ کی گئی جبکہ گلگت میں کورونا کی یومیہ شرح 12.08 اور اسکردو میں 13.25فیصد رہی۔

24 گھنٹے میں ضلع دیامر میں کورونا کیسز یومیہ شرح صفر رہی، مظفرآباد میں کورونا کی یومیہ شرح 13.59 اور میرپور 5.41 فیصد ہے، حیدرآباد میں کورونا کیسز کی یومیہ شرح 7.69فیصد ریکارڈ کی گئی، وفاقی دارالحکومت میں مثبت کیسز کی یومیہ شرح 8.22 فیصد ہے۔ پشاور میں کورونا کیسزکی شرح14.12 فیصد دیکھی گئی’۔

اس حوالے سے ذرایع کا مزید کہنا ہے کہ صوابی 5.26فیصد ہے، مردان  4.22،ایبٹ آباد 5.56فیصد، نوشہرہ 12.12، مردان4.22فیصد ہے، سوات 1.23 اور چارسدہ میں کورونا کی یومیہ شرح 1.92فیصد ریکارڈ کی گئی۔

لاہور میں 4.66، ملتان0.97، گجرات 0.52، فیصل آباد 1.01، بہاولپور 4.13، جہلم میں 4.40 کورونا کی یومیہ شرح ہے۔ 24 گھنٹے میں کوئٹہ میں کورونا کیسز کی شرح 3.03 فیصد ریکارڈ کی گئی۔