معاشی استحکام کے لیے 2025 کامیاب سال رہا۔ بلال اظہر کیانی

?️ 10 جنوری 2026

اسلام آباد (سچ خبریں) وزیرِ مملکت بلال اظہر کیانی نے کہا ہے کہ معاشی استحکام کے لیے 2025 کامیاب سال رہا۔

وفاقی دارالحکومت میں میڈیا سے گفتگو کرتے ہوئے بلال اظہر کیانی کا کہنا تھا کہ 2025 پاکستان کی کامیابیوں کا سال تھا، مسلح افواج نے بھارتی جارحیت کا منہ توڑ جواب دیا۔ اُنہوں نے کہا کہ معرکہ حق میں فتح کے ساتھ ساتھ سفارتی محاذ پربھی کامیابیاں ملیں، پاکستان کی کامیابیوں کی دنیا معترف ہے، دنیا سندھ طاس معاہدے کےحوالے سے پاکستانی موقف کی تائید کررہی ہے، معاشی استحکام کے لیے 2025 کامیاب سال رہا۔

وزیرِ مملکت کا کہنا تھا کہ پی ٹی آئی نے آئی ایم ایف کو خط لکھ کر ملک کے خلاف سازش کی، حکومتی اقدامات سے پالیسی ریٹ اور مہنگائی میں نمایاں کمی ہوئی۔

بلال اظہر کیانی نے مزید کہا کہ پی آئی اے کی شفافیت کے ساتھ کامیاب نجکاری کی گئی، پی آئی اے پرائیویٹ مِینجمنٹ میں بہتری کی طرف جائےگی، پی آئی اے میں روزگار کے بھی مواقع بھی پیدا ہوں گے۔