مسافر ٹرینوں کی آؤٹ سورسنگ اوپن آکشن کے ذریعے کرنے کا فیصلہ

?️ 21 ستمبر 2025

اسلام آباد (سچ خبریں) مسافر ٹرینوں (pak railways) کی آؤٹ سورسنگ اوپن آکشن کے ذریعے کرنے کا فیصلہ کیا گیا ہے۔

وزیر ریلوے حنیف عباسی کا کہنا ہے کہ فیصلے کا اطلاق حالیہ آؤٹ سورسنگ پر ہو گا،سالانہ آمدن کے بینچ مارک پر نظرِثانی کی جائے گی۔ محفوظ ٹرین آپریشن یقینی بنانے کیلئے سیفٹی ڈیپارٹمنٹ کو ڈائریکٹوریٹ بنایا جائے گا،سیفٹی ڈائریکٹوریٹ میں عملے اور افسران کی ٹرانسفر کر دی گئی ہے۔

ایم ایل ون پاکستان ریلوے کا سب سے اہم اور مرکزی ریلوے ٹریک ہے جو کراچی سے پشاور تک جائے گا۔ یہ لائن پاکستان کے سب سے بڑے شہروں کو آپس میں جوڑے گی۔ یہ منصوبہ تجارتی، اقتصادی، اور سفری لحاظ سے ریڑھ کی ہڈی کی حیثیت رکھتا ہے۔

ایم ایل ون پاکستان ریلوے کی اپ گریڈیشن اور جدید کاری کا ایک بڑا منصوبہ ہے۔ جو چین پاکستان اقتصادی راہداری (سی پیک) کا حصہ ہے۔

حکام کے مطابق ایم ایل ون سے سفر کا دورانیہ کم ہو جائے گا۔ جبکہ حادثات میں بھی کمی آئے گی۔ اس منصوبے سے روزگار کے بھی مواقع پیدا ہوں گے۔ اور ریلوے کی آمدنی بڑھے گی۔ایم ایل ون منصوبے سے مال برداری میں اضافہ ہو گا۔ اور اس سے معاشی ترقی میں مدد ملے گی۔