مریم نواز کا سیلاب متاثرہ علاقوں میں سانپ کے کاٹنے کی ویکسین مہیا کرنے کا حکم

?️ 25 اگست 2025

لاہور (سچ خبریں) وزیراعلی پنجاب مریم نواز نے سیلاب سے متاثرہ علاقوں میں سانپ کے کاٹنے کی ویکسین مہیا کرنے کا حکم دے دیا۔

وزیراعلی پنجاب نے سیلابی ریلے کی آمد کے پیش نظر آبادی کے بروقت انخلا کو یقینی بنانے کا حکم دیا ہے۔ مریم نواز نے جانی نقصان سے بچاؤ کےلیے تمام تر میسر وسائل مہیا کرنے اور دریاؤں، ندی نالوں کے اردگرد کی آبادی کو محفوظ مقامات پر منتقل کرنے کی ہدایت کی۔

وزیراعلی پنجاب نے ستلج سمیت دیگر دریاؤں کی طغیانی کی صورتحال کی مانیٹرنگ اور سیلاب متاثرین کے قیام، طعام اور علاج کے بہترین انتظامات کی ہدایت کی ہیں۔

مریم نواز نے سیلاب متاثرین کے عارضی قیام کے لیے مناسب مقامات مہیا کرنے اور متاثرہ علاقوں میں سانپ کے کاٹنے کی ویکسین مہیا کرنے کا حکم دیا۔

وزیراعلی پنجاب نے قصور، پاکپتن، تونسہ اور دیگر علاقوں میں انتظامیہ اور ریسکیو کو الرٹ رہنے کا حکم دیا۔